今日有報道喺新劇入面同Bosco飾演夫妻嘅龔嘉欣喺煞科宴上面，兩杯落肚，飲到面紅耳赤，被人攝人鏡頭嘅相，全部都係對住Bosco又攬又錫，今次真係水洗都唔清。之但係，事實往往就發生喺鏡頭背後，喺當晚嘅煞科宴上面，進擊的女子，其實是另有其人。進擊的女子1號2013年港姐季軍劉佩玥，出名是一個樣貌平平，但非常主動的女子，曾搭上富家公子何猷亨，二人深宵促膝談心食意粉，之後跟鍾嘉欣舊愛龍虎武師伍允龍戀上，兩人多次被拍到食飯拍拖去街街，不過劉佩玥從來都無正式承認跟伍師父嘅關係；俾人追問跟伍允龍拍拖嘅事，都係左閃右避。直至最近，劉小姐突然又話同伍允龍已經分手，而喺呢個時候，據知劉佩玥喺拍劇時，已經睇中咗Bosco，對佢處處進逼，所有工作人員都看在眼裡。劉佩玥對Bosco嘅傾慕之情，喺電視城內亦無人不知，點知，煞科宴上，劉佩玥竟然———冇去！就係咁，俾17歲進擊的女星楊嘉欣——呢位跟龔嘉欣同名嘅嘉欣妹妹「有位入」。其實在鏡頭之後，比起龔嘉欣更加開放，佢不避嫌喺咁多人面前對Bosco呵護備至，又投懷送抱，主動攬攬又摸面，真係好鬼親熱，喺好多人眼中，除咗佢勁冧壯男Bosco之外，好多人都覺得佢哋關係非比尋常。Bosco就回應謂：「太抬舉喇，大家亦都太好幻想力喇！」
來源 source: http://hk.apple.nextmedia.com
|
鍾意就快D Share啦！
|
|
|
