森美真心嬲豬喎，見佢狂post爆肌相就知！
藝人成日都要KEEP住個身形以最佳狀態示人，因為隨時唔知幾時畀人偷影，如果唔好彩被人影到個豬腩肉真係水洗都唔清，張相仲要無限次重用，咁先至係最慘！
好似森美咁佢就被某傳媒影到佢沙灘半裸LOOK，當然身形唔係咁FIT搞到森美好唔開心，不過森美似乎最驚嘅係梁太（森美原名梁志健）嬲豬喎，佢喺微博留言話：「一早比舊同學笑！見夏天到，開始keep fit，點知一開始就見光！點解唔俾（畀）多兩個星期我先影！(重點是，影得梁太唔靚，我死梗！唔比（畀）得佢睇。)」出咗呢個POST冇耐，森美再出一張新相，相中嘅佢大晒麒麟臂，同一對結實胸肌，留言話：「要反撲我現在是咁fit㗎！啍！」相隔十分鐘左右，森美又再上載一張正面爆肌相，六舊腹肌若隱若現，兩隻手操到青筋都現晒，佢留言話：「雄風再現。」睇嚟今次森美真係好嬲豬，誓要將佢啲「肌相」晒冷進行大反擊！
另一邊廂，阿嬌（鍾欣潼）都一樣去要操fit，佢上載喺健身室自拍嘅相，素顏嘅佢仲要嘟係個嘴仔，真係十級可愛呀！
來源 source: http://hk.on.cc
|
鍾意就快D Share啦！
|
|
|
