畫面唯美！
藝人李思欣一直於網上搞鑽石生意，反應不俗，現時她還擴充搞埋珠寶生意。日前她與老公范振鋒齊齊「瞓身」做生招牌，拍攝新一輯廣告相，思欣更以多套低胸晚裝上陣，大晒事業線，更親自示範多款珍珠頸鍊及戒指，高貴又優雅！
初接觸珠寶生意
思欣接受訪問時謂：「其實事隔兩、三年都冇影過新廣告相，今次做埋珠寶，初時未接觸嗰時，都怕時下啲人唔接受，驚老土，但依家嗰啲珠寶款好新穎，唔係剩係一大串嗰啲款式，一粒好精緻嘅頸鍊及戒指款式都好靚、好fashion。」思欣的網上店名是「星鑄」，現英文名叫「Eclatstar」，代表好光芒，希望於世界各地都發熱發亮，她透露之後都會計劃於其他地方搞catwalk show，希望更多人認識公司。
返大陸拍電影
說到思欣與老公做埋代言人，慳番代言人費，她笑言：「係呀！我哋都係搵兩餐，其實今次主要係我，老公嗰日都係嚟客串吓，咁我都要一個男伴一齊影。」思欣之前有讀鑽石鑑證課程，問會否再修讀珍珠課程？她謂：「都要睇時間，之後我都要返大陸拍攝一套網絡電影，第一次做女主角，男主角係林俊賢。」
來源 source: http://hk.on.cc
|
鍾意就快D Share啦！
|
|
|
