好多人話袁詠儀（靚靚）係Hermès狂熱份子，今集靚靚接受《蘋果》連載專訪，就獲中環Hermès旗艦店破天荒借場拍攝，靚靚話：「我一定要澄清一下，其實我絕對唔係一個狂熱份子，至少我唔係乜嘢顏色都有嘅人，我個人好悶㗎，喺Hermès嚟講淨係得黑白啡㗎啫。」傳聞靚靚屋企有間房，專門收藏呢個品牌嘅尊貴戰利品，靚靚坦言：「我好想，但係未做到。」
好多女人都想擁有一個Hermès手袋，滿足自己嘅虛榮心，靚靚被吸引嘅原因並唔係咁簡單：「我認識呢個品牌係喺佢歷史故事度學識，佢個袋係點樣做出嚟，佢嘅手工係點樣，都有啲故事㗎。例如我鍾意佢一個皮，唔係普通㗎，原來都係一個學問，咁我想去學呢樣嘢囉，你要有呢樣嘢先學到㗎，原來佢越用，就越有故事越有歷史，就算佢花咗，只要你用佢，或者你用個乜溫度，佢就會變番滑，好新嘅一樣。你可以話，你都係貪慕虛榮㗎啦，但我覺得佢對我嚟講係古董，佢唔會過時。」
老公張智霖係咪大時大節就會送呢個牌子手袋呢？靚靚爆料：「都唔係㗎，我都要提佢㗎，或者有陣時話畀佢聽：『哈！如果你經開嗰頭呢咁就好啦。』都不能成日要求㗎，同埋我真係唔係乜都買嘅人，大家見我其實都係黑色，所以成日覺得我好似好多咁解之嘛。」
問到靚靚係咪購物狂？佢表示：「我覺得以前係，依家已經唔係啦，我真係要揀需要嘅嘢先會用，我諗每個人成長都係咁嘅，以前好麻木，可能嗰陣興係咁，根本就冇諗自己着得好唔好睇、啱唔啱着就買，依家有陣時你着上去，根本就唔係嗰個人，就唔會買囉，我唔係一個潮流嘅人，依家花費最多係食，成日覺得自己可以食嘢嘅quota唔係好多，食多好容易有病，不如選擇食營養啲、有機嘅嘢。」
被叫咗靚靚咁多年，究竟呢個花名點嚟呢？靚靚話：「記者畀㗎，嗰時曾志偉話我咁鬼死醜樣，都唔知點解可以選到港姐，跟住記者就話唔係呀，我哋覺得佢幾靚呀，咁阿靚阿靚就出咗嚟啦。」問到keep fit美容心得，靚靚嘆氣話：「唉！我收得好啫，啱啱先講影完相叫攝影師幫我抽脂，我唔知點解，個個見到我：喂，你真人做乜咁瘦？上鏡做乜咁圓碌碌嘅？我話我都唔明，唯一諗到就係我眼圓鼻圓嘴圓，所以出嚟就乜都圓。」
靚靚公開扮靚秘訣：「我一feel到自己乾，就會敷mask，嗰排可能覺得飲水唔夠，就會狂飲水飲湯。美容產品我覺得要買啱自己用，都係嚮往天然啲，我個人好慳㗎，人哋嗰啲乜魚子精華，我一用就敏感。運動我就有嘅，但我最鍾意臨急抱佛腳，當我要做好大型嘅嘢，我就跑足幾個禮拜，做完活動之後呢，我就會休息幾個禮拜。」
採訪：陳月媚
協力：倩宜
攝錄：馮峰、卓振輝、吉吉
攝影：林德雄
化妝：Kerry wong
髮型：Sam Pan＠Muse Hair
場地：Hermès旗艦店、好酒好蔡
【閃耀人生女人心(12)】唔怕向華勝最驚哥哥 袁詠儀後悔推搪梅姐飯局
http://bit.ly/2CayqLQ
【閃耀人生女人心(11)】同成龍星爺傳不和 靚靚認儍親解《國產凌凌漆》內幕
http://bit.ly/2EINDBO
【閃耀人生女人心(10)】靚靚帶隊重遊小學 自爆13歲初戀錫錫點到即止
http://bit.ly/2Fg97ad
【閃耀人生女人心(9)】爸爸嗜賭曾寄人籬下 袁詠儀感謝母親管教嚴
http://bit.ly/2EDOMul
【閃耀人生女人心(8)】警察宿舍出世成長 袁詠儀夾埋阿哥打鄰居女孩
http://bit.ly/2o7QDky
【閃耀人生女人心(7)】唔識語言藝術得罪人 靚靚被雪成就影后路
http://bit.ly/2F5KCw7
【閃耀人生女人心(6)】經歷選港姐勾心鬥角 靚靚一心攞亞軍：我係張曼玉
http://bit.ly/2EEyLaP
【閃耀人生女人心(5)】老婆坐月Chilam照蒲 靚靚產後抑鬱險離婚
http://bit.ly/2HdEqmD
【閃耀人生女人心(4)】坦認女追男 靚靚呻俾老公食住：張智霖係唔會錯㗎！
http://bit.ly/2H9XvWy
【閃耀人生女人心(3)】狂造人望追多個女 靚靚人工受孕：我卵子已老
http://bit.ly/2CfW45g
【閃耀人生女人心(2)】懷疑魔童自閉過度活躍 靚靚陪睇心理醫生原來係...
http://bit.ly/2EinZDx
【閃耀人生女人心(1)】靚靚管教太嚴愛操控 魔童：我想換個新媽咪
http://bit.ly/2EkPJY1
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|