熱爆娛樂: 囝囝半歲大產後抑鬱 35歲孫慧雪老公話我變得好恐怖 [壹週刊 - 1459

2018年2月22日星期四

囝囝半歲大產後抑鬱 35歲孫慧雪老公話我變得好恐怖 [壹週刊 - 1459 - 生活] __,孫慧雪,M1,

生 B半年，阿雪仍未完全修身，雖然如此，但她仍繼續接工作，早前得到保險公司邀請，在鬧市派蕉。

探熱針

囝囝半歲大產後抑鬱 35歲孫慧雪老公話我變得好恐怖

「宅男女神」孫慧雪一六年底與圈外男友羅天彥結婚，婚後三個月造人成功，由本來的一百一十磅變為佗 B時的一百六十磅，去年七月誕下近九磅重的囝囝 Riley，至今未完全修身，現重一百三十磅，初為人母，湊 BB令她事事緊張，因而患上輕度產後抑鬱，幸好老公全天候在旁開解兼幫手，但亦坦言：「老公話我變得好恐怖。」

小事緊張

一六年十二月，孫慧雪與拍拖六年的圈外男友羅天彥（ Edwin Lo）結婚，婚後不設防，很快便造人成功，囝囝 Riley去年七月出世，今年半歲大，肥肥白白很可愛。初為人母，阿雪坦言容易緊張，更患有輕度的產後抑鬱，她說：「我變得易喊又成日發，唔知係咪因為產後賀爾蒙影響，好小事都會搞到自己好大壓力，剛生 BB一個月，陪月叫我食飯休息吓，唔使成日望住個 BB，但係我仍然會一路食飯一路望實佢，或者陪月姨姨同佢掃風，我都會擔心唔知佢會唔會太大力，又或者會唔會太細力掃唔到，呢啲好小問題都令到我情緒好波動。」

阿雪佗 B時體重達一百六十磅。

老公 Edwin對老婆很體諒，知道阿雪情緒有起伏，每次放工後會即刻負責湊囝囝，希望與她一起分擔。

生 B後，阿雪擔當全職母親，每次提起囝囝，她都會忍不住甜笑

起來。

忍唔住喊出來

照顧初生嬰兒，少一點經驗都不可以，雖然有陪月幫手，但阿雪事事緊張，搞到情緒起伏大，阿雪要自我安慰，「有喊過一兩次，但唔算係好嚴重，發現問題後，都會同自己講，點解自己咁緊張，其實佢都肥肥白白吖，問題應該唔係咁大，我會叫自己放鬆。」

見到 Riley健康成長，又是個 happy baby，加上有老公 Edwin在旁開解兼幫手，她說：「老公有時都會話我變得好恐怖，佢好懷念大肚時候嘅我，識我咁耐最溫柔就係嗰段時間。我返工前，一定會打電話叮囑佢，提工人姐姐餵糊仔，耐唔耐睇吓囝囝會唔會鼻塞抖唔到氣，跟住老公就叫我放心，唔使憂慮，佢會幫我睇到實！」

阿雪接受訪問時表示，因生 B後壓力很大，令到賀爾蒙失調，情緒有起伏。

性格樂觀的老公 Edwin，希望阿雪能放鬆一點，不要令情緒變得更差。

半歲大的囝囝重廿三磅，阿雪話抱他一陣便會感到手軟。

33歲先出寫真

24歲入行的阿雪，多年來一直都有投資者找她出寫真集，不過卻被她統統婉拒。直至 16年，阿雪為了紀念入行十年而「豁」出去，騷盡 33C身材，推出首本及唯一的寫真集《 Once》，限量三千本，很快便被搶購一空。

情緒忽高忽低

阿雪指有不少新手媽咪都會經歷這些情況，幸好她性格樂觀，病情沒有再嚴重落去，但情緒依然容易受影響，「每日見到佢少少進步，識得講一個單字，或者突然嗌隻狗仔，嗰種開心就會蓋咗壓力。」

阿雪佗 B時影下不少大肚照，為自己留念。

囝囝出世時重近九磅，是個巨 B。

半人奶半奶粉

半歲大的 Riley，重廿三磅，是個巨 B，出世時食量已經十分驚人。「佢一出世已經要飲一百零五毫升奶，成間醫院都知道，啲姑娘都話我辛苦，因為一般只係飲六十毫升，變咗嗰時我有啲焦急，當時陪月就叫我泵出嚟，盡量儲多啲，咁樣自己同 BB都會舒服啲。但我原來埋身餵人奶會有多啲奶，所以如果生第二胎時，我一定會 keep住埋身。近排開始出嚟做嘢，泵奶次數少咗，我開始一半配方奶粉，一半人奶。」她說。

樣甜身材正的阿雪，是其中一位宅男女神。

一六年，阿雪與拍拖六年的圈外男友 Edwin結婚。

在 TVB浮沉多年的阿雪，不介意性感出鏡，把握每次機會。

現重一百三十磅

今年三十五歲的阿雪，未生 B前樣靚身材正，佗 B時體重由本來的一百一十磅增至一百六十磅，生完後半年，仍未完全修身，她說：「佢臨出世時，我體重去到一百六十幾磅，嗰時個肚好大，好多人都問我係咪佗孖胎。生完之後已經跌咗二十磅，去到一百四十幾磅左右，因為我無特別減肥，平時都係做完嘢就返去照顧 BB，無時間做運動，加上想有多啲人奶，我 keep住食好多嘢，而家大概有一百三十磅。」不過她不是沒有修身目標，「我成日都同自己講要做運動，但有時間我就想陪 BB，因為新劇就嚟出街，之後會有好多宣傳，我唔想俾人見到我好肥，所以已經定咗目標，要喺三月之前瘦一個圈。」