蕭太撐起北角死場
14間鋪蕭太指希望整個「金庫」的這商家及業主能一起聯手，合作增加貨源布滿整個場，讓客人來到起碼有所選擇。
壹號頭條
生意回顧自救最強
年關難過年年過，香港人講求自救，盼能走出社會民生種種困境；而二○一七年度的《壹盤生意》之最，非最華麗最賺錢，但卻最具香港打不死的精神。年過五十歲的楊秋霞（蕭太）於人人聞風色變、投資者損手爛腳的著名死場——北角「城市金庫」連開十四鋪，打造名為「根本家族」的家品百貨街，改變劏場死氣沉沉之色，救自己救「金庫」。蕭太自救感染同場商家，他們異口同聲指：「我哋起碼有本錢守，我信守到就會變！」至於其他生意，不是趁「新經濟」時勢大舉發展，就是在舊經濟極速轉型求生，二○一八年，香港人繼續自救自強精神。
在死場開店的蕭太，清脆笑聲如人工導航般，引領着記者從一樓走進地庫的「根本家族」。蕭太指自從上年《壹盤生意》訪問後，這段時間感到最欣然的，是多了供應商主動供貨，或尋求互動商機。「有日本藥妝代理公司搵我，放咗貨喺度賣，變相令我日本貨比率可以由一成升至三成。最意外嘅係伊高鮑魚呢間公司聯絡我，真係令我又驚又喜。」
月賺近四萬 最怕被加租
香港的死場豈止得一個，「根本家族」更吸引了大埔死場「大日子」的業主找上門，望蕭太出手相助。「間鋪主力得我做，真係無人手去開分店。我話可以幫佢用較平嘅價錢攞貨，等佢可以有個空間自己經營。」被鄰區業主邀請合作的蕭太，另一邊廂卻怕敵不過本場加租潮。「以我所知已經加緊，由千二變千五，千五變千八，千八可能變二千三蚊。」生意雖比往年增兩成至月賺近四萬，但壓力不小。「如果係加得勁，我只有縮鋪呢條路行。」最怕成也鋪多敗也鋪多的蕭太，在一聲嘆氣下，惟寄望業主在四月簽新約時能手下留情，讓死場留有一線生機。
蕭太聯手殺出財路勇士：打造死場凍肉街
租平有力守
「城市金庫」有多達三百個劏鋪，「根本家族」再有人氣，也難化作固定人流帶旺整個場。「我鋪頭多選擇，條路會好行少少，但如果只租一間鋪，就會被局限賣一類貨，款好難多，客人嚟過幾次就已經無意慾再嚟。」要真正自救並非一人之力可完成。場內「是日煮意」的老闆 Eddie現年五十六歲，可算是第二位勇士。「有個做凍肉嘅朋友因被加租而唔做，佢有好多新淨設備，所以我想試吓。」本來從事有關電視台拍攝等行業的他想擁有一盤生意，作退休後的寄託。蕭太的勇謀正正激發起 Eddie的決心，於是去年七月在「金庫」死場租下八間鋪，打造全新凍肉街，售賣豬肉、牛肉及海產類等食品。
「呢個地區本身唔差，啱賣高檔嘢，我認為有潛力可以發展。」死場吉鋪多，燈光偏暗；如非有特定來意，實是不想多作逗留。 Eddie因此在凍肉街內加設射燈，另配小型手推車方便購物，希望能令客人留下好印象。「我另有做凍肉批發，用嗰度啲錢幫補實體店，預咗要守兩年，但呢度平租我起碼守到。」直言愈做愈有信心的他指未來生意如轉好，會考慮多租鋪位。蕭太更喜悅地分享道：「另一邊有位畫畫老師都租咗十幾間鋪！希望有個空間俾人做吓瑜伽，教吓畫。」眾人也發力希望盡量填滿「金庫」，幫忙掃走悶氣。
170度瞓低打機電競椅月賺 12萬
主售電競椅的「 Zenox」由本先只租下一個六百呎貨倉、主攻網售；到延伸至二千多呎的辦公室及體驗店讓客人試椅，發展速度極為驚人。三名主事人司徒軒明（ Nigel）、王浚楠（ Cyrus）及侯澤勤（ Jeffrey），用了短短一年時間就把盈利翻數倍至月賺十二萬，可算為一眾「機痴」成功洗底！
「 Zenox」設太子及荃灣兩個展示點，訪問當天正有一名青年登門造訪，左搖右擺地測試每款電競椅的舒適度；而 Nigel則在旁擔任店員，貼心講解各種椅子的質料及軟硬度。「現時大約有六至七成訂單都係門市落單然後我哋再送貨。」公司擁有固定車隊負責送貨，但 Cyrus指某些情況也會親自出馬。「試過有五層高嘅唐樓或村屋嘅最頂層要送貨，我都唔想司機太辛苦所以去埋幫手。」
一米闊電競枱 迎香港細屋市場
以售價近一千六百元的電競椅起家，「 Zenox」成功把產品亮眼於大大小小的電競活動中，有一定知名度後，三人決定拉闊視野至一整套電競桌椅，並吼準去年八月香港電競音樂節的時機，推出可升降的電競枱。「張枱設有四個尺寸，由最闊一點八米至最窄一米都有，賣點係可升高至俾人站立工作，配合水平視線去做嘢。」 Nigel指特意用了鋁合金作枱邊斜台，讓感覺較豪華；每張枱設有各兩個的濕電及 USB插頭叉電位，方便用家使用。
「升降摩打選用德國一個牌子嘅雙電機設計，上落時會較穩定。」升降枱定價約四千元，桌椅銷售量為三比七。相比一般電腦枱最窄只有一點二米闊度，心思縝密的三人推出了「香港迷你版」一米闊桌子，讓解決不到「土地問題」的機迷也能選購。香港近年電競熱愈趨熾熱，但總有淡季時候，加上桌椅產品使用周期長，要維持良好生意額，急需變陣。「營業額大概係二十萬至七十萬，變化都大；一月至三月撞正農曆新年或情人節，屬於淡季，所以要玩吓花臣吸客。」公司將於情人節時推出自訂椅子頭枕服務，限量三十張，可印上客人想要的字句或圖案。
唔一定做醫生律師電競椅老闆：「工作就係做緊鍾意嘅嘢！」
做「經理人」圓未完成的夢
「中學時日日不停打七至八個鐘機都得，但而家年紀大咗，又要打理生意，一個月玩到一兩次已經好滿足。」二十八歲的 Jeffrey笑指自己雖已退下火線，但仍是緊貼電競圈潮流。「工作有一半時間離不開我鍾意嘅嘢，識到打機及做周邊產品嘅同路人，好享受返工！」三子一直積極貢獻遊戲《 Dota2》的社群，每月也會花一定金錢在宣傳及贊助相關比賽，最近更榮升至軍師及經理人，找到五子組成團隊 Azure Esports，代表香港出賽。「我哋大家各有正職，「 Zenox」提供場地，又代安排出國，幫我哋分擔好多行政壓力。」隊長 Gary分享。當中只有二十一歲，屬最年輕隊員的 Mouse指：「如果有機會奪得冠軍，我會考慮轉全職打比賽，呢個係每一個男人細個嘅夢想！」
打機除了是男士們的夢想，也成了不少人的事業；簡迪勉（ Damien）是三子的中學同學，於去年中從澳洲回流，加入公司成為合夥人。「我喺當地住咗十年，一直同佢哋靠打機維繫 long D！今次返嚟主力做產品設計，會同大公司如華碩合作出產品。」早育有一子，第二個兒子也快將出生的 Damien，以父母角度分享其對電競的看法。「澳洲對非主流行業例如藍領或電競選手都會一視同仁，唔一定要做醫生律師，佢哋認為只要小朋友有自己理想，為自己目標奮鬥，好值得欣賞。」
菜肉加價夾擊
被迫轉嫁消費者
「愛兒」心切而創立 Healthy Little Paws腳板仔，全心全意售賣獨創狗仔鮮食磚的阮詠珊（ Stella），指目前生意額已比半年前翻了兩至三倍；由月售六千件鮮食磚至一萬五千件，成績不俗。 Stella指自己雖較幸運沒被加租，但荷包卻傷在菜及肉的開支上。「菜加咗不足兩成價，肉就加咗兩至三次，幾種肉如雞牛豬等等，平均每一款肉每次都加一至一成半價。」一直以推廣價十八元售賣，希望定價接近優質罐頭的五款鮮食磚，也迫不得已要提價兩成至二十二元。「產品毛利大跌，但產量升又要加人手，例如多咗三個全職工人，唔加價真係頂唔順。」
「寵物個市場仲有空間俾更多人加入，可以一齊做好件事，但有啲公司搬字過紙，成分同傳單字眼所有嘢都跟到足。」雖然如此， Stella仍然樂觀地分享：「我首創嘅磚形質感係未有人照抄到嘅，話晒都閉關研究咗幾個月時間。」在內憂外患之下， Stella已邀請了獸醫以顧問形式加入「腳板仔」，以進一步鞏固市場地位。
網友
唔吼洗米仔員工兼職賣月餅蝕六位數
上年《壹盤生意》就介紹過洗米仔周柏豪寫 app公司員工，八十後 IT男陳冠銓（ Patrick）在一六年用太太 Cathi的網店賣月餅，一個節日輕鬆賺二十萬。 Patrick於上年加入洗米仔的公司後，老闆竟全力配合他的副業，成立網店「月餅薈」，更讓出辦公室位置給他放置月餅，訪問時 Patrick坦言「啲貨去得比上年慢」，但直指無有怕：「仲有一個月，唔驚蟹貨！」但結果都是要倒蝕！
記者近日再次向 Patrick查詢月餅生意，他直言要蝕大本「之前賺嘅幾乎要倒貼」：「係自己策略失敗，無得怨人，都唔關市況事。」而洗米仔苦笑地指：「我見到""（公司有）好多貨""我都食咗好多。」更「警告」 Patrick：「呢度已經有好多嘢做，所以今年就唔使再賣」
開設 IT公司的 Patrick，一六年結婚後太太 Cathi主力在家，他建議太太在家開設網店：「我就鼓勵佢去學 Facebook宣傳，有個朋友開班，佢就去學，之後佢就同朋友開咗間網店，主要賣吓飾物。」之後他成功接洽月餅生意後，第一步就是在 Cathi的專頁寄賣，之後愈賣愈好，結果更大賺二十萬，於是他雄心壯志，於上年與友人投資過百萬大量入貨，本以為「實食冇黐牙」，但偏偏因各種原因，導致生意大跌， Patrick亦大失預算！
專頁無擁躉唔敢碌卡過數
Patrick一開始在太太賣飾物的專頁售賣月餅，之後他嫌專頁男性客人較少，於是決定另開專頁「月餅薈」，而太太就轉載「月餅薈」的內容，可惜時間太短，未能吸引客人：「之前生意的鋪排，或者事後""因為做季節性食品，其實都發現需要持續有啲嘢要賣，先會有固定客人。」他直言以一個新的專頁，難以說服網友用信用卡購買：「因為我喺嗰度即刻收錢，嗰啲人都睇唔到我，佢（哋）見到網站，聽過用過先會夠膽用信用卡嚟俾錢。所以喺網上世界，平時建立品牌都好重要。」
一六年網站售賣共四千盒月餅，到上年跌至千多二千盒，他惟有將賣剩的月餅捐贈給同事及老人院：「都有搵供應商商討點算，有啲可以退番，有啲寄賣，供應商都賣唔晒，咁都算啦。」
蝕六位數唔怕輸
Patrick就指，上年因「蟹貨」太多，埋單蝕了六位數：「嘩""（生意）跌咗一半， Pakho（洗米仔）有問（點解搞成咁），當然，係咁取笑我。」對於上年有大量網店紛紛提供月餅外送服務， Patrick就否認搶了他的生意：「市場係夠大，大家先有得做，大家做嘅品牌都唔同，因為月餅嘅牌子都有百幾款，唔可以全部都做。都有人講市況係差咗，多競爭都有人咁講，無人會完全知道真相。」
至於 Patrick的月餅生意只是股東之一，問到其他老闆有否怨言，他就答：「有時諗番起，真係問人借錢比較好，自己借錢嘅話就同自己負責，加入股東就""」，但他就坦言今年密謀再接再厲：「今年做嘅話就要聰明啲，好似全部做寄賣，同餅家、食品公司建立好啲關係，喺中秋前大半年已經要賣其他嘢，同客人之間建立關係，咁就易處理得多。
洗米仔勸諫：專心工作
至於洗米仔就指早就叫 Patrick不要分心：「我覺得最緊要係 focus，如果只係做一樣嘢，結果就會好啲。」他坦然自己亦幫手吃了不少蟹貨月餅：「剩咗好多貨，其實都 OK嘅，只係無之前那麼好。」
元朗和食惹負評老闆頂讓自救
在元朗經營「天壽和食屋」的中年漢林建恒（ Joe），因食物質素與上手有明顯差別，食客大呼「中伏」，紛紛到網上留言「呃人！唔會再去」、「中伏指數達到災難級別」、「等執吧！」一圓老闆夢卻換來處處負評。本刊曾找來資深日式餐飲顧問馬基良師傅為他把脈，更指出三大需要救亡之處。
不少網友都表示 Joe做老闆「想得太天真」、「元朗日本嘢競爭好大，唔係咁易做」。不久記者就發現，「天壽和食屋」已結業，現址已變成一間韓國餐廳。
記者曾多次聯絡 Joe，惟電話打了多次仍沒有接聽。據了解，報導出街後不久就有人想再頂讓餐廳， Joe一口答應，記者曾到韓國餐廳「韓林」查詢，惟負責人表示不欲多談。
麵包車老闆被收地「天鴿」襲港浸三車
「我個車場用咗不足一年時間，又俾政府收地咁耐以嚟搬咗五次。」一向惹火的溫少基（ Siky）訴說着苦況。他旗下的「 BUN FUN VAN」公司，主營麵包車出租服務，曾「效力」於尖東名貓忌廉哥及為政黨議員宣傳。「地方愈搵愈貴，愈搵愈細，真係好困難，唉。」坐擁超過十部麵包車的 Siky，指每次「搬家」也心力交瘁，除了多部愛車要移動，連帶很多車輛維修設備也要搬運，非數天能安頓好。
香港常被美名為福地，但 Siky卻遭天災影響，直言始料不及：「之前流浮山個車場好近海，八月時颱風『天鴿』襲港，好黑仔咁浸咗三部車，整唔番。」其曾早着先機於一三年把二手車改為美食車，卻於先導計劃中落選的他認為回歸後的政府，對所有以車來做生意的政策也很保守。「好似美食車咁，佢規定要大大部，結果成本太高，好多賣小食嘅檔主都叫苦連天指難回本。」麵包車生意於一七年經歷過浮沉，說話大剌剌的 Siky也坦承：「對車仲有熱誠，但對香港呢個環境好灰心。」他已設了一八年八月為決定去向的限期。「有個大 project同間上市公司等單位籌備咗好耐，八月會公布，反應唔好有可能會縮一半（五部）車。」
專利牙線棒達四十個銷售點
創業非後生仔專利，林偉光（ Gordon）跟太太阮鳳玲（ Wilma）正正於半百之齡，放棄將會退休的安逸；花了八成退休金設計牙線工具「線牙樂」（ Toothbat）。作為原創之新產品， Toothbat成功在香港出口商會舉辦的「香港智營禮品設計大賞」中奪得銀獎，最難得的是認識了不同商家，從而擴充生意網絡。「牙醫診所大概有三十間已賣緊我哋嘅產品，加埋部分商務書局有售，香港有近四十個實體銷售點。」誠品書店於三月起也會成為其中一分子。
「美國 Amazon網上平台嘅賣家已經向我翻第五次貨，貨品總值十幾萬。都有日本百貨公司會設短期檔賣 Toothbat，仲會搵宣傳人員介紹添！」 Gordon難掩喜悅地興奮分享。他透露公司第二代的產品正在做國際性專利，未來也會持續花錢在專利註冊之上；短期歸本雖然無望，但 Gordon和 Wilma兩人表示只要做得開心，賺錢也是其次。
撰文:財經組
|
鍾意就快D Share啦！
|
|
|