藝人卓韻芝在新書內自爆「我要結婚了」，因去年曾宣布「出櫃」，現突爆婚訊，正如其書名一樣，的確係「峰迴路轉」。阿芝在爆出婚訊後首度現身接受東網訪問，對於未婚夫是圈外人，阿芝又沒有公布未婚夫名字，她指未婚夫是好低調的人，因他很喜歡閃電俠，就用「閃電俠」來做代號。
「人生有啲事係估唔到」
阿芝表示與閃電俠是在朋友的生日會上結識，雖然對方知她是誰，但就從沒看過她寫過的作品。對於拍拖第一天便秒速答應對方求婚，她謂：「人生有啲事係估唔到嘅。（覺唔覺好衝動？）朋友話齋冇衝動係成唔到婚姻，好多人拍好耐拖點解結唔成婚，就係差嗰下小衝動，何況喺卓韻芝身上乜都可以發生。」阿芝笑言最匪夷所思是答應後，她和閃電俠都沒有對任何人透露，但她婆婆有日食飯時說：「旅行結婚咪得囉，乜都唔使搞。」令她頓覺婆婆是預知異能。
因當日阿芝在電話被求婚，「閃電俠」便趁上周情人節給阿芝補送求婚鑽戒。阿芝稱：「情人節嗰晚送咗隻野餐用嘅杯畀我，跟住我多謝完就放低咗，之後佢就話不如落街買番石榴汁，我都不為意，到我攞隻杯嚟洗，將杯入面舊紙拎起先見到個盒，盒入面就係隻求婚戒指。好彩咋，我仲諗住攞起隻杯就將舊紙倒落垃圾桶喇！但跟據佢所講係計劃之中，因佢曾講過要畀我出其不意下求婚。」可有感動落淚？阿芝笑言：「冇喎，反而我哋兩個係超級爆笑，笑咗好耐似中咗頭獎咁囉。」
「趁我瞓時偷偷用繩度指圍」
阿芝不禁讚未婚夫「犀利」，知她有可能會遺失戒指，將戒指穿上頸鏈，讓阿芝「日掛夜掛」。講到求婚戒指是未婚夫親手打造，阿芝稱因她平時不愛戴戒指，事後才知道，為要度她指圍，未婚夫是趁她睡着時偷偷用繩來度她指圍。
至於婚期，阿芝稱會是今年，日子及一切都未定，惟一共識就是婚禮不想太多細節，但一定會開Party和親友分享喜悅。是否隨時準備「造人」？阿芝則言：「呢個就要Plan，因為同身體狀況有關，即係如果趕緊寫書通宵唔瞓又唔食，咁對佗住嘅BB健康都唔會好，一陣生出嚟就黑眼圈同埋識寫字，咁就唔好喇，但真係未有生小朋友計劃住。」
「婚後可以慢慢夾」
兩人可會先來個同居「試婚」？阿芝稱不會同居：「我覺得到時夾囉（婚後），好簡單，就如你公司有個必接嘅Project，咁都係一路一路去磨合件事，冇得話睇下同Project夾唔夾先，唔夾就唔做，唔會咁囉，所以，我都係覺得婚後可以慢慢夾。」
髮型：Sam pan@Muse Hair
化妝：Shuen Kong
服裝：One And Two
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|