2018年4月26日 星期四

【爆相爆片】廖碧兒男友豪請30萬香檳 靚女輪住影相 __,碧兒,廖碧兒,

39歲嘅廖碧兒(Bernice)曾經與劉愷威同陳豪拍拖,但都係無疾而終,早前終於覓到新愛,與富貴失婚男友盧啟賢(Calvin)相戀。有指Calvin係 ...


39歲嘅廖碧兒(Bernice)曾經與劉愷威同陳豪拍拖,但都係無疾而終,早前終於覓到新愛,與富貴失婚男友盧啟賢(Calvin)相戀。有指Calvin係隱形億萬富豪,其家族生意龐大,喺中港、新加坡、印尼、英國及加拿大均有物業,做投資生意嘅佢連影星楊紫瓊都係佢客戶,早前更被爆到法國豪擲兩億歐元(約19.3億港元)狂掃香檳。

日前《蘋果》讀者Alice透過「爆相爆料」,指日前見到Calvin喺蘭桂坊嘅Play開派對。據聞Calvin最近登上美國某媒體喺2018年金融市場十大最有影響力人物,當晚唔少財經界人士及財經版傳媒都被邀請出席。讀者Alice話Calvin出手好闊綽,攞咗逾50支價值約6千蚊嘅香檳出嚟畀在場人士飲用,而Calvin當晚玩得好high,賓客大部份係女性,Alice話﹕「唔少人都想同佢合照,但佢有好多bodygurad,四個圍住佢,兩個喺門口守住,有人行埋去,啲bobygurad都會嘗試推開啲人。」

但當然有例外,唔少靚女都可以埋身影合照,其中一位穿上露肩裝嘅輕熟女,與面紅紅醉意甚濃嘅Calvin頭貼頭影相,Calvin仲搭住對方肩膊,狀甚親暱。Alice話﹕「聽到有人問佢女朋友(廖碧兒)喺邊,但佢都只係笑。」

其實Calvin女性緣都好旺,與前妻育有一女,而認識廖碧兒嘅時候,被爆早已有位泰籍女友Nina,對方屋企喺泰國做電訊生意,但廖碧兒早前出活動就否認做第三者。(相關新聞﹕https://bit.ly/2Fcsa3r)



精選娛聞,喺晒《娛果》

http://fb.com/appledailyent

Calvin與輕熟女頭貼女,狀甚親暱。(相片由讀者提供/資料圖片) (相片由讀者提供)

Calvin身邊有bobygurad傍實,但靚女們就例外可以埋身影相。



廖碧兒早前被踢蜜遊芬蘭。(資料圖片)

(ig圖片)

(資料圖片)

廖碧兒近夫生活富貴,搬入大埔倚龍山莊之餘,仲買紅酒莊。(ig圖片)

鍾意就快D Share啦!