《復仇者聯盟3：無限之戰》尋日上映，原本可以睇到呢部鉅作應該好開心，但係袁偉豪就同擔任宣傳嘅行內人開火，火藥味仲濃過電影入面。
事情大致上係行內人食薯片睇戲，就被「自以爲天王巨星嘅TVB男artist」並「用非常唔友善嘅眼神『睥住』我朋友」，之後仲被人叫佢食薯片食得細聲啲。最後行內人仲反質問「丫巨星不如你表演如何食薯片完全冇聲？」事後袁偉豪就喺fb到認個位「TVB男artist」，但就講咗另外一個版本，並留言話︰「我冇唔準你進食！只係想你能為他人設想，進食時細聲一點！讓大家可以專心觀賞電影而已」。
袁偉豪篇文，大家可以去佢FB到望一望，咁網民又點睇呢件事? 當然係大讚袁偉豪講得好好，仲有同袁偉豪合作過嘅人留言話︰「個時搵你合作過，印象你係非常有禮，到宜家我都係咁同我D朋友講...」。
有網民要求公開行內人嘅照片，袁偉豪就話「比面佢!」，之後佢仲話︰「有時候真係唔明，若如果換轉係我食嘢大聲影響他人，人家一樣可以話我！將心比心」最估唔到嘅係袁偉豪都把握機會Sell下佢播緊嘅《棟仁的時光》，喺hastag到打「#假如我是棟仁」、「#一定會給你一吻」。
- 行內人fb
- 袁偉豪fb
來源 source: http://nextplus.nextmedia.com
|
鍾意就快D Share啦！
|
|
|
