麥明詩大談「誘惑」技巧，睇嚟好有心得啵！
藝人麥明詩身穿黑色喱士內衣出席內衣活動，她稱性感打扮是為了場合需要，而且也喜歡內衣外穿的概念，她表示：「之前台慶都試過着內衣上陣，平時就睇情況，如果係夏天同戶外活動都會咁着。其實今日都收斂咗，冇另外加墊，因為個bra本身嘅承托力都唔差，我想自然啲，唔想咁賣弄。（好滿意自己身材？）都接受咗，唔一定要好玲瓏浮凸，依家都興骨感美。」她又指為了今次活動，這幾天都盡量減少鹽分的吸收及食得清淡，以避免水腫。
大談誘惑技巧
問到在男友面前是否也如此性感？麥明詩反問：「咁着會唔會保守咗啲呀？可以着得再私密啲。（點私密？）少布唔一定係好私密，有時着得多都幾過癮。」麥明詩又稱在節目《#後生仔傾吓偈》之中也講過誘惑的主題，她認為有些遐想空間可達到更好效果：「將啲嘢拎晒出嚟，反而未必吸引到人，因為人冇完美，要隱惡揚善，認清楚自己嘅魅力。」
否認與林作復合
另外，麥明詩再次否認與林作復合，她坦言不會因為其他人眼光而避忌，又指跟不少前度再見亦是朋友，對於林作指擔心「銷路」找不到女友，她笑言：「我都有呢個擔心，因為我做藝人，好多人未必適合，有時食個飯都要畀人影相，唔係個個人都想畀人注意，所以要搵到個理解同了解嘅人。（林作好適合？）我想攞多啲人生經驗先。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
