最近《逆緣》終於講到黎諾懿愛上夏文汐，沙灘呢一場示愛兼kiss戲，真係睇到唔少巴打面紅紅。雖然係極重口味，但係亦都引嚟其他巴打力撐夏文汐好索，好有韻味。
戲入面就講過佢套《烈火青春》，當時佢已經同湯鎮業喺電車到打得火熱。 不過，大台就冇提到《唐朝豪放女》呢套戲，夏文汐喺入面有唔少畫面全裸示人，仲有同萬梓良肉搏場口。同男人肉搏，咁都未算激，仲有女女畫面，絕對係符合「豪放女」呢個主題。 52歲嘅夏文汐算係keep得幾好，當然唔可以用青春少艾個時相比，以熟女嚟講都算有一定吸引力。有人就覺得夏文汐同黎諾懿呢pair似母子多過似姊弟，其實夏文汐都係大黎諾懿15年而已。
不過，講到姊弟戀頭啖湯，黎諾懿就輸咗俾陳偉霆啦! 唔緊要，反正依家一眾巴打都葡萄黎諾懿食到姐姐，雖然遲過陳偉霆食姐姐，總好過巴打得個睇字。
來源 source: http://nextplus.nextmedia.com
|
鍾意就快D Share啦！
|
|
|
