掃呢頁CODE去手機

2018年4月26日 星期四

男友操刀影靚相?許亦妮日本求籤「得個吉」 __,許亦妮,

許亦妮去咗東京旅行。近期日本沖繩爆發痲疹,唔少人聽到去日本都話驚驚呀!而前港姐許亦妮(Whitney)近期就去咗日本旅行,不過佢去東京啫!連日嚟Whi ...


許亦妮去咗東京旅行。


近期日本沖繩爆發痲疹,唔少人聽到去日本都話驚驚呀!而前港姐許亦妮(Whitney)近期就去咗日本旅行,不過佢去東京啫!連日嚟Whitney都晒出多張嘅旅行點滴,去食好西之餘,又去勻晒景點觀光,搞到一班網民都大叫葡萄呀!今次Whitney就特登去咗淺草寺求籤,甫出短片之餘,仲留言:「去淺草寺雷門循例上都要求返(番)支簽(籤)啦。好開心好開心呀!!求到支非常好嘅吉簽(籤)!」以一身型格look上陣嘅Whitney,一拎起個籤筒之後即時勁神心咁瞇埋對眼求神,不過佢搖咗差唔多十幾秒先搖到支籤出嚟,好彩最後搖出嚟嘅係一支吉籤!見Whitney拎住支笑到見牙唔見眼咁,唔通係求姻緣?

除咗求籤短片之外,Whitney仲晒咗張企喺櫻花樹下嘅相,呢個笑容真係甜到痹,而且Whitney仲特別留言:「Thank You Bae(多謝寶貝)為了幫我影更靚既(嘅)相....多謝你用心幫我影每張相」唔少網民都對呢一個「Bae」十分好奇,仲問Whitney係咪新任男友添!


來源 source: http://hk.on.cc
鍾意就快D Share啦!