康華與黃長興到尖沙咀拍外景。
藝人康華最近為無綫新劇《金宵大廈》開工，飾演美魔女中醫師的她，於劇中教人用很多古怪方法扮靚。日前她與同劇拍檔黃長興到尖沙咀拍外景，劇情講述康華有次被魔鏡吸住，臉容變了滿面皺紋，她因接受不到而衝出馬路，長興見狀即「英雄救美」。拍攝時，有不少途人圍觀，而康華既要顧住個「皺紋」樣，又要仆地避車，認真不好受！
今次為藝術犧牲，康華坦言化皺紋妝苦不堪言，她接受訪問稱：「皺紋化妝就需要特技效果，先用膠水上三層，要等一段時間，卸妝都需要比較長時間，慢慢一層層落妝，比較傷皮膚，頭髮都要變花白，洗多幾次先得，但係好逼真，效果好好！辛苦啲都冇所謂（你會唔會嫌自己老同唔靚？）睇到以後自己老咗嗰様，都幾好，有晒心理準備！其實監製、導演製作認真同新鮮，所以我都好願意配合，傷皮膚都唔介意！希望認真做好作品！（喺鬧巿拍劇習慣嗎？）喺尖沙咀鬧市拍，一定要打醒十二分精神，因為人多，車多，聲音嘈雜，我哋拍要快而準！如果唔係又阻街，又阻人，啲路見到我咁嘅樣都驚」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|