闊別紅館舞台7年的古巨基，今次以人夫新身分開騷，一向賣唱不賣舞的基仔事前張揚會在個唱上晒舞技，因為古太讚賞他跳舞進步了，他跟古太在工作及家庭上，會玩角色調換，兩人相依相伴甜到漏。
相隔7年再踏紅館
古巨基正忙於為紅館演唱會排練，相隔了7年，基仔將於5月10至14日舉行《WE古巨基我們世界巡迴演唱會》香港站特別版。這亦是基仔第五個紅館騷，基仔的身份也變成人夫，他笑說：「Man咗好多咁囉，做人老公一家之主喎，身份或心理上係有唔同，以前因為古太怕醜，想低調啲，但依家已經米已成飯，唔使隻字不提咁嚴重，我覺得心態上係輕鬆晒，覺得好舒服。」
首次大騷舞技
基仔透露今次演唱會將有舞蹈安排，基仔笑說：「古太話覺得我依家跳舞進步咗好多，唔知點解喎，佢好少讚我，真係估唔到佢讚我跳舞，仲話好鍾意睇我跳舞，佢仲喺我面前扭晒跳番一次畀我睇，原來我跳舞都有觀眾嘅，所以今次我都會跳。」基仔更自爆與古太在紅館後台的一個小秘密，他說：「我對紅館後台冇乜特別要求，唯一一定要古太喺度，出場前我有個習慣，一定要見到吓佢，然之後喺踏上台之前個台邊，佢習慣要同我握吓手，跟住會話：『Good Show！』，（見唔到佢呢？）即刻點都要：『Lorraine！喺邊呀？叫佢嚟啦』。」真係sweet到爆，見少一秒都唔得。
兩公婆互相依賴
基仔坦言古太照顧周到，在工作上為他打點一切，好似每次出騷前，古太都會為基仔準備一碗切雞米，因為唱歌時他不會食太多調味的東西，他說：「呢個就係佢喺我身邊唯一一個作用，佢知道晒我嘅需要，（你好依賴佢？）係互相依賴，返到屋企佢就好依賴我嘅，講得好聽啲佢叫不拘小節，講得唔好聽咪叫求其，我都唔係幾好意思爆佢啲嘢，喺屋企我幫佢執頭執尾，不過喺工作上佢好多嘢照顧我，咁都好呀大家喺唔同環境有唔同嘅崗位嘛。」
Make-up:Natalie Soo＠ND&CO.
Hair:Mark Ip@HAIR
Wardrobe:IT
場地：英皇駿景酒店
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|