啲人成日話囡囡係爸爸嘅前世情人，真係無講錯，洗米女周善潼就係例子，喺手機見到爸爸周焯華張相，就已經忍唔住大讚：「好靚仔呀！」俾鍾意行型格路線嘅洗米華聽到個女咁樣讚法，一定冧死。
是咁的，洗米嫂Heidi陳慧玲不時都會拍低同囡囡嘅互動，最新片段中，囡囡善潼喺電話見到爸爸嘅相就咁樣講：「好靚呀！呢個係爸B嚟㗎？（係呀。）喺邊到影㗎？（你想唔想問吓佢？）嗯，好靚仔呀！」其他人或者係賣口乖，但善潼得3歲人仔，係最天真爛漫嘅年紀，自然唔識咩係「語言藝術」，加上佢口講「好靚仔」時，頭揈揈身體仲有律動添，堅係女士見到靚仔嗒糖時會有嘅自然反應，係真心讚美嚟㗎。
善潼雖然人仔細細，但天生把口啷過油，好識講嘢氹人，一啲都唔吝嗇讚美，仲成日都冧到媽咪Heidi暈得一陣陣：「媽咪媽咪，我日日都想拖著你，我唔想放開你隻手。想起身又拖，瞓覺又拖住你呀媽咪！I Love You。」唔當你掌心寶貝都唔得啦。
來源 source: http://nextplus.nextmedia.com
|
鍾意就快D Share啦！
|
|
|