近年經常在大陸工作的吳千語，最近與師弟栢天男為動畫電影《女皇哥基大冒險》配音，在戲中千語演繹萬千寵愛在一身的女皇級美狗孟坦，而她早年在感情路上，同樣是萬千寵愛在一身。近日千語揚言女仔都要有事業，至於愛情，她表示仍在尋覓中，意味着她與施伯雄的感情已成為過去式，她更坦言現在的感情狀態︰「係單身。」
近日吳千語與師弟栢天男，首次為動畫配音，早前二人在尖沙嘴接受《蘋果》訪問，千語演繹女皇級美狗孟坦，她笑指︰「完全唔似我，我本身講嘢冇乜語氣，要發掘自己另一把聲，語氣要嗲啲、風騷啲。」本身都有養狗的千語，指愛犬如小朋友般，她說︰「養狗仔好似屋企多咗個細路仔咁。」對於卡通片，千語認為卡通片並非給小朋友看︰「我大個先睇卡通片，因為細個睇唔明，有啲故事好深，好似宮崎駿嘅卡通，唔係畀細路睇。」千語指家中家教很嚴，自小媽媽不准她看電視，亦因為這樣，至今她也沒有近視。
至於師弟栢天男，自小喜歡畫公仔，曾畫了一本繪本，卻被家中小狗咬爛，他說︰「我一格格畫，畫得好辛苦，但小狗一吓就咬爛，成本散晒。」他曾想過當漫畫家，可是家人跟他說難搵食，最後他仍發揮其畫畫的天份，在澳洲讀藝術和設計，未入行前，曾從事設計工作。至於千語自言畫畫沒天份，她說︰「我畫得好肉酸，雀仔畫到似雞，貓畫到似貓頭鷹，我曾經認真學，但冇天份。」不過千語自言揀東西較有天份，如挑選傢俬。
千語表示自己從來沒有選擇困難，正因如此，她好清楚現階段需要甚麼。最近千語經常掛在嘴邊，要專注工作，她說︰「慢慢了解到女仔喺社會上要做好自己，事業上最想做到有屬於自己嘅嘢，將來我有家庭後，可以繼續經營，所以今日要努力啲。」問她會否忽略了愛情？她說︰「其實呢樣嘢係學問，點經營一段感情，唔係單方面，一定要雙方付出，如果我呢個階段有機會拍拖的話，我希望可以搵到個理解我嘅，如果對方唔明白的話，大家好難一齊到。」千語此話一出，意味着她與施伯雄已分手，即再問她現在是否回復單身？千語肯定的說︰「係，係單身！而家唔想講太多，將來到另一個階段時，先再講。」
當年林峯曾對吳千語高呼七次「好愛BB」，兩人拍拖5年卻未能開花結果，去年底正式宣佈分手。其後指千語與前全國政協施子青長孫施伯雄拍拖，而林峯亦戀上國產34D索模張馨月，近日二人更傳出婚訊。
採訪︰羅婉玲
攝錄︰馮嘉銘
場地：港威酒店
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV
|
鍾意就快D Share啦！
|
|
|