網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月1日 星期一

【兒時少見父親有遺憾?】洪天明買魁隆手套與子Cosplay 細仔扭抱即投降 __,洪天明,

洪天明同周家蔚結婚之後真係定性咗好多,特別係生咗兩個仔做埋老竇之後,一有時間就過familyday,而氹小朋友嘅最佳方法,莫過於同佢哋去買玩具。洪天明 ...




洪天明同周家蔚結婚之後真係定性咗好多,特別係生咗兩個仔做埋老竇之後,一有時間就過family day,而氹小朋友嘅最佳方法,莫過於同佢哋去買玩具。

洪天明長期喺外地工作,一走就兩、三個月,但每次回港都只得三幾日,所以佢經常慨嘆兩個仔大得好快,次次見親佢哋都覺得同上次見唔同咗。

天明細個嗰陣,洪金寶忙於搵食好少見面,仲要請人湊細路,天明講過唔想好似老竇咁,希望小朋友由父母親自湊返,所以周家蔚主力湊仔,天明一得閒就返港團聚,好似片中所見咁,一家四口出動,兩公婆亦分頭行事,周家蔚去COVA買蛋糕,天明就去買玩具。

天明錫兩個仔錫到燶,經常都買好大袋玩具,仲會落手落腳玩埋一份,見天明手中戴上復仇者反派魁隆嘅手套,相信兩個仔返到屋企就會扮Iron Man、美國隊長等等,同老竇對打。

雖然有好多新玩具,但小朋友最渴望都係有父母陪伴,所以細仔洪竟琋會吼準機會,向爸爸撒嬌扭抱,天明就梗係投降照抱啦。

有小朋友之後仲有個好處,就係洪金寶、洪天明兩父子都見多咗面,因為洪金寶會成日上佢屋企探孫仔,大家會因為小朋友而團聚多咗。據聞洪金寶仲開到口想要個孫女,而周家蔚都有意追多個女。咁天明陪完兩個仔玩完,都要抽啲時間同老婆玩下喇!


鍾意就快D Share啦!