藝人肥媽（Maria Cordero）聯同陸浩明（6號）、陳詩欣和黃美棋到街市為第8輯《食好D食平D》宣傳，即場美棋及詩欣一展廚藝，但明顯二人廚技有限，令身旁的肥媽多次忍不住出手相助。至於肥媽受訪時笑指6號腎虧，因她每次炮製壯陽食物如馬卡湯和炒韮菜，6號都吃不停，她說：「成日同女朋友去旅行，有乜理由唔大肚㗎！」6號亦謂每次食完都熱辣辣，搞到要去運動場跑圈「降火」。肥媽即指6號浪費：「你話你係咪嘥料呀！個女仔媽咪都傻㗎，畀個女跟佢咁多年都唔結婚。佢上契我都要金碗金筷子送畀佢，蝕本㗎，我最想咩呀，咪就係抱孫囉！」
講到6號和女友拍拖多年仍未結婚，他透露是想有樓先計劃結婚，他稱目標是買600呎左右的3房單位，又自爆早前曾抽將軍澳新樓向隅。提到被肥媽爆搵錢多，活動和飲宴都見他當司儀，他終敵不過肥媽的「催婚」才露口風說：「本來諗住抽到就今年計劃嘅，係計劃咋，未有實際時間表㗎！」
來源 source: http://hk.on.cc
|
鍾意就快D Share啦！
|
|
|