掃呢頁CODE去手機

2020年2月3日 星期一

武漢肺炎:陳坤稱口罩消毒後可重用 被狠批教壞網友 __,新型肺炎,武漢肺炎,陳坤,

陳坤今次真係教壞人!武漢肺炎持續於各地肆虐,全球都「一罩難求」,搞到坊間流傳各式各樣嘅「消毒方法」,務求將一次性口罩循環再用。大家留意,其實一次性口罩 ...




陳坤今次真係教壞人!


武漢肺炎持續於各地肆虐,全球都「一罩難求」,搞到坊間流傳各式各樣嘅「消毒方法」,務求將一次性口罩循環再用。大家留意,其實一次性口罩係唔可以重複使用,而且建議4小時更換一次。不過內地藝人陳坤今日就喺社交網晒出一張自拍舉V相,見佢將個口罩戴咗喺額頭度,仲教大家點樣「消毒」口罩!佢留言:「出門使用後,如果沒破請放進消毒櫃中消毒後,再繼續使用,口罩匱乏,請珍惜!」


呢個建議令唔少網友議論紛紛,有人就提醒佢要洗手,亦有人指出呢啲一次性口罩係唔可以重用,直斥:「不要亂指導,口罩是不能在消毒櫃消毒的。」有網友更留言直批:「你弄在額頭上不就已經二次污染嗎?」不過陳坤就回覆:「剛進家門,從嘴推到額頭上就拍了一張,這種玩笑非常時期不要開喲!」睇嚟仲係唔覺得自己呢個方法有問題!不過亦有粉絲話陳坤屋企嘅口罩存貨一定係告急,同大家一樣撲唔到口罩所以先出此下策,但再次提提大家,一次性口罩只可以用一次,唔可以重用㗎!

來源 source: http://hk.on.cc
鍾意就快D Share啦!