掃呢頁CODE去手機

2020年3月17日 星期二

崔碧珈:【肥膏揈揈吓】女星力推至強5招搣甩脂肪 #崔碧珈

嗱,減肥嘅嘢真係要量力而為!減肥(好聽啲叫控制體重),係所有女星嘅終生事業,想瘦想靚想Keep住Mon前嘅你將每刻視線都停留喺佢身上,真係用少啲腦汁都 ...




嗱,減肥嘅嘢真係要量力而為!


減肥(好聽啲叫控制體重),係所有女星嘅終生事業,想瘦想靚想Keep住Mon前嘅你將每刻視線都停留喺佢身上,真係用少啲腦汁都搞唔掂,始終隔住鏡頭即時脹一個碼,到底女星有咩終極減肥法可以極速搣甩肥膏?


483小時斷食+生酮食法咪咪都保得住
「36G咪神」崔碧珈舊年就出晒寫真集《崔碧珈的生酮秘笈》教食生酮,攝取低碳水化合物、適量蛋白質和高脂肪,控制糖尿病及減輕體重,兩個星期即減15磅!唔好以為咁就得,早幾日佢仲教斷食483小時,一日只食一餐,只有一粒鐘進食窗口,其餘23小時空腹,維持21日,效果係點?36G咪咪仲喺度,佢就成個人愈嚟愈索囉!


小唐菜加豆腐分三日食速減17磅
現年22歲擁36F導彈身材的鄧月平(Larine),早前為新片做肥妹仔,短短2個月內將體重由101磅激增至143磅,腰圍由23吋變33吋,Oh no接受唔到囉!不過拍完戲佢都急住減,試過一棵小唐菜加一盒豆腐分三日食,Chur盡地獄式減肥,朝早煮湯再去做運動,一星期減8kg(約17磅)!不過佢都講到明咁係超級不健康,搞到荷爾蒙嚴重失調,停經4個月,全身出濕疹,仲令佢自己情緒不穩,大家真係唔好亂試。


Zumba跳出燃燒300大卡
苟芸慧曾經因患上了甲狀腺失調及抑鬱症而致肥,高峰期去到170磅,仲慘到被改非常難聽嘅花名,真係嬲到震!身體問題始終都要解決,佢就保持心境開朗去抗壓,心理搞掂咗,佢着手玩高爾夫球,再大跳結合健身操和拉丁舞嘅Zumba,跳30分鐘Zumba至少燃燒300大卡,對關節都有益處,加上吸取適當的蛋白質及維他命C,配埋紅酒、木瓜湯天然豐胸。


「Sirtfood Diet(激瘦飲食法)」加強減肥效果
身形豐滿的英國歌后Adele係圈中出名肥妹仔,與丈夫離婚後忽然6個月內減走19公斤,震驚眾人!原來佢喺私人健身教練指導下,每星期進行3次帶氧運動,大玩進階版普拉提(Pilates Reformer),仲靠意志係佢戒掉一日飲足10杯加糖茶同煙酒,不過最緊要都係佢實行「Sirtfood Diet(激瘦飲食法)」,以三星期為一個減肥周期,透過進食芹菜、黃豆、蕎麥、羽衣甘藍等能激活Sirtuin酵素嘅食物嚟增加新陳代謝,唔使節食都可以控制體重。


食豆腐一樣可以瘦
韓國女神宋慧喬雖然本身唔肥,不過佢就為咗身材更纖瘦均勻,全靠晚上食豆腐,咁就足足減咗17公斤,又估你唔到喎!早餐和午餐佢每次食八分飽,盡量唔食高熱量食物,魚類、五穀類照殺,再加上一碗湯,不過晚餐就只食豆腐,每日8點早餐、12點午餐、6點晚餐,之後就不再進食。而佢仲會成日帶愛犬Walk walk,多行路同多飲水,掂咗~


不過控制體重嘅方法因人而異,唔好見邊個Work就死跟,自己一定要睇緊身體變化,千祈唔好以為盲跟就會變女神呀!

來源 source: http://hk.on.cc
鍾意就快D Share啦!