掃呢頁CODE去手機

2020年3月17日 星期二

湯洛雯慢火「調情」被嫌麻煩 #湯洛雯

湯洛雯不容易開始一段感情,最好花兩、三個月了解清楚才見面。
湯洛雯慢火「調情」被嫌麻煩單身兩年的無綫花旦湯洛雯(靚湯),雖然裙下之臣眾多,但自嘲「乾物女」的她,由最初冀盼再闖情關,至現時想法已相反,即使朋友不惜 ...




湯洛雯慢火「調情」被嫌麻煩

單身兩年的無綫花旦湯洛雯(靚湯),雖然裙下之臣眾多,但自嘲「乾物女」的她,由最初冀盼再闖情關,至現時想法已相反,即使朋友不惜做媒人撮合姻緣,二人亦透過文字交流,惟對方心急見真人,令靚湯打退堂鼓。

自與羅天宇分手後,湯洛雯(靚湯)曾先後跟劉愷威及鄭子邦傳緋聞,可惜真命天子還未出現,身邊好友都替她着緊,不時做媒,令她大感尷尬!她自爆曾有男士欲透過朋友認識她,但以短訊交流後發現不適合:「佢好似唔係好理解我嘅工作,好想約出街見面,但我又唔想!朋友話我麻煩,因為我話要傾兩、三個月了解吓先,佢哋話依家啲男仔點會咁做。」

湯洛雯大讚黃浩然是好前輩,放假也不介意陪她讀劇本。
  • 湯洛雯大讚黃浩然是好前輩,放假也不介意陪她讀劇本。

她承認甩拖頭一年的確想拍拖,但其後想法有變:「習慣咗單身,所有嘢都係自己為先,好舒服。拍拖之後,每日擘大眼就會諗起對方,去邊都要諗佢先,依家賺吓錢先,又唔係咁急,不過將來拍拖都未必公開,感情我鍾意低調,但如果問起唔會否認嘅。」

拍喊戲虛脫

談及新劇《法證先鋒IV》,靚湯直言是入行以來最大壓力的一次:「冇試過咁短時間準備,同埋場場戲都有我份。小青姐(梅小青)嘅劇本一個字都唔改得,所以好似大考咁,要不停背書,如是者連續咗幾星期!」首度演記者的她,笑指一度以為自己是戰地記者:「有場戲為咗欄截的士,我要趴上車頭蓋,期間司機將我揈來揈去。場戲有武指同替身,但基本上都係自己上陣,其實我又唔係好驚,好似玩機動遊戲咁,過足癮!」問到最深刻的一場戲,她說:「有場喊戲拍咗幾日,因為天雨關係,拍到肝腸寸斷,喊足兩個鐘之後收工,第二日又嚟過。套劇所有嘢加埋令我好虛脫,但拍完又覺得升咗班,自信多咗!」




鍾意就快D Share啦!