掃呢頁CODE去手機

2020年3月17日 星期二

【港府周四實行全球隔離令】張堅庭為愛女撲機票從英返港:好似出埃及記大逃亡 #張堅庭

【港府周四實行全球隔離令】張堅庭為愛女撲機票從英返港:好似出埃及記大逃亡13分鐘前內地自年初開爆發武漢肺炎,之後一發不可收拾,引發全球多國相繼爆發大規 ...




  • 【港府周四實行全球隔離令】張堅庭為愛女撲機票從英返港:好似出埃及記大逃亡
  • 13分鐘前




內地自年初開爆發武漢肺炎,之後一發不可收拾,引發全球多國相繼爆發大規模疫情。港府今早更仿效澳門,實施「全球隔離令」,今個星期四起,除內地、澳門及台灣以外地方,所有抵港人士都要接受14日隔離。

不少海外留學的香港學生,即時急急腳買機票返香港,導演張堅庭女兒亦在英國就讀,他昨晚表示已即時為女兒訂機票返港,「情況好似出埃及記大逃亡咁」,張堅庭指無論直航或轉機都一票難求,「同好多家長傾過,佢哋嘅仔女都唔知飛咗去邊,要左轉右轉先得。」就算肯轉機,張堅庭都要諗清楚,「去新加坡轉機,需要隔離14日,飛去越南又驚當地政策話轉就轉」。

幸好最後張堅庭在網上為阿女找到機票,「不過佢又未起身,好彩之後一班機仲有位,於是即時叫佢執嘢走,行李都唔好帶,拎本passport就衝去機場」,但驚險故事原來仍未完,皆因阿女未有睇清楚機票上的航空公司,在希斯路機場不同航廈中折騰,好彩最後趕得切上機,有驚無險。

不少圈中人都愛送子女到海外升學,當中主要集中於歐美國家,武漢肺炎疫情在歐美肆虐,父母都急召子女回港,商台DJ森美日前亦安排在英國就讀的17歲兒子回港,並叮囑兒子坐飛機時要做足安全措施,要戴口罩及眼鏡,以及避免用手接觸眼耳口鼻。



----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤


鍾意就快D Share啦!