吳君如與老公陳可辛及囡囡陳是知，與一般人一樣，因為肺炎疫情影響，不用出外工作及上學，數月來留在家中避疫。君如今日到旺角為「疫苗學堂」發佈會擔任嘉賓，宣傳注射HPV的重要性，君如指今日終於送女兒上學，她笑言︰「咁多個月以來，一家三口侷住喺屋企，好好彩冇磨擦。」
君如表示除了向女兒教授健康知識，還有性教育，君如說︰「我成日提醒佢，而家14歲還未發育健全，唔應該有性行為，等全部發育完起碼18歲先。」對於有些國家較開放，年輕人12、13歲便早婚生B，君如聽罷說︰「唔得，如果係我即刻踢佢出門口。」君如表示，沒有發現女兒拍拖，亦無法得悉，她說︰「我冇發現，都有問佢，但佢有IG有自己嘅群組，我睇唔到惟有選擇信佢，我查佢都冇好處，佢又唔開心，而家啲少女乜都收埋，我兩個喺屋企都係扮道具，陪佢睇鍾意嘅戲，愈限制只會愈反叛。」
君如表示女兒現在喜歡看英雄片、美劇、愛情片，雖然自己覺得悶，但亦會陪女兒一齊睇，君如說︰「性教育佢乜都知，因為佢鍾意睇《friends》。」君如認為就算幾愛一個人，都不能一世整天面對着，她說︰「要遷就多啲，三個人互相遷就，有時匿埋畫吓畫、彈吓琴，我從來唔識煮嘢，都要學煮嘢食，疫情下教咗阿女玩啤牌、猜枚、打麻雀，佢起碼手腳都快過阿媽。」
之前她從外地回港，在家隔離14天，感覺一家人團結很多，一齊對抗疫情，她指身邊有幾個要好朋友確診，自己都要好小心。此外，君如主演的新片《媽媽的神奇小子》，在1月拍攝完畢已完成後期，原定今個月上映，現在要延遲，還未定上映日期，君如說︰「就算而家上都怕冇人睇。」
採訪︰張明
攝影︰仇志德
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|