彭家麗胞弟、「綠葉王」彭皓鋒（前名彭國樑），2016年底憑大陸網絡電影《老師上錯身》，奪得美國電影節「US Hollywood International Film Festival」的「最佳男配角」獎項，近年轉戰大陸。昨日巿民上街遊行，向「港版國安法」說不，有律師與築路障市民「爭執」遭私了，藍絲彭皓鋒分享了相關片段後留言：「香港…想點呢？」
彭皓鋒其實一直有在FB就社運和「港版國安法」表達意見，他前日就留言：「香港即將有一批思覺失調嘅人，完全唔記得自己過去一年做過啲乜嘢…但係我會記得你哋！！！」同路的藍絲曹永廉馬上和應：「呢條數一定要還!」網民揶揄抗爭者要着草走路，彭皓鋒答：「佢哋應該冇錢着草，你估平呀！」
網民支持抗爭者要找數，彭皓鋒即答：「我覺得大部份都唔使找…現在香港政府要保持好人型（形）象，佔中佔幾年都無事就知啦，不即時立國安法就知現在掌權者做得不好！」86年新秀冠軍文佩玲也搭嘴：「好多香港人都會記得！」彭皓鋒回覆：「香港政府應該迎合他們崇尚的美國精神，將美國整套國安法搬過嚟！」同時貼出圖片寫了在美國叛國的最高刑期是死刑，文佩玲竟說：「絕對認同！」
一班藍絲同聲同氣，但也有網民質疑：「鍾意中央大陸，唔好返香港啦，大陸好呀，死返香港有冇用呀！」彭皓鋒駁斥：「看來你有好深嘅誤會，我而家在中國香港，如果你不是中國人，咁你應該返去屬於你嘅地方。」彭皓鋒其後再寸對方：「你留句咁嘅言，同我呢個post好似唔係好夾，你唔會真係患咗思覺失調呀嘛？病向淺中醫呀！唉…唔好意思…我唔會再答啲無聊問題，大家等結果」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|