撰文：iluvhk｜圖片來源：Facebook「新福事工協會拾平台」專頁
婆婆執紙皮背後的意義發人深省？！「施比受更為有福」現實教人賺得一蚊得一蚊，在不少人眼中錢從來不嫌多，不過一位拾紙皮婆婆就完美展示了何謂「心中富有」。有機構在Facebook專頁分享一則好人好事，指一位76歲婆婆拾取一整日紙皮只換來48元，但她並沒有私自享用，反而希望能捐給各個慈善機構，令職員知道後非常感動！
新福事工協會「關懷貧窮學校」部門的轄下組織「拾平台」，昨日（17日）晚上在其Facebook專頁發文，分享一名拾荒婆婆的故事。帖文指年屆76歲的張婆婆，日前推着一架放滿紙皮的手推車前往回收站，電子磅熒幕顯示手推車的重量接近98公斤（約216磅），扣除車重20公斤（44磅），張婆婆最終以撿拾得來的78公斤（約172磅）紙皮，換來$48元現金。
年屆七十六歲的張婆婆把紙皮車過電子磅時，螢幕顯示接近98公斤重，扣除手推車本身的20公斤，最終換來手上四十八蚊。張婆婆坐在回收車旁邊的摺凳上攤唞吓，然後講咗句 :「呢車紙執咗成日㗎喇！」我 : 「見你啲紙皮叠得好整齊喎……」張…
Posted by拾平台onSunday, May 17, 2020
張婆婆其後坐在回收車旁邊的摺櫈上休息，慨嘆一聲：「呢車紙執咗成日架喇！」有關職員知道後便上前與婆婆攀談起來。
職員 : 「見你啲紙皮疊得好整齊喎……」
張婆婆：「又唔係趕時間，咪慢慢執靚佢囉！啲錢唔係畀我架！」
職員: 「咁畀邊個架？」
張婆婆 : 「啲錢會儲起佢，到咁上下就拎去捐咗佢……」
職員: 「哇！咁捐去邊呀？」
張婆婆: 「東華三院呀、樂施會呀、仁濟醫院呀、保良局呀，分開幾間咁捐囉！我有收到佢哋啲感謝信架！」
職員: 「執得咁辛苦，唔留返畀自己用？」
張婆婆: 「錢嘅嘢，帶唔得落棺材嘅，自己後生受過別人恩惠，有能力咪當幫返其他人囉，反正喺屋企都係坐啫嘛。」
帖文遂在文末引用《隨想曲》的歌詞，「渴望是心中富有/名和利不刻意追求」，以感嘆張婆婆心中富有的清高脫俗。
不少網民看過帖文後，雖然彼此互不相識，但均向張婆婆致敬和送上祝福，留言表示「人到無慾無求，施比受更有福！」、「感謝婆婆的無私奉獻，祝婆婆身體健康」、「希望婆婆唔好獨辛勞，要照顧爭自己」、「婆婆，你的無私教曉我哋很多……捐款不是因為擁有得多而有餘唔志在，而是因為別人有需要，我們便盡心盡力幫助」、「婆婆好嘢，好心有好報」。
|
鍾意就快D Share啦！
|
|
|