網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年5月9日 星期六

【母親節●祝身體健康】73歲母親包曉華係特約演員 劉雅麗:佢紅過我 #劉雅麗

「乖乖哋啦!」51歲的劉雅麗,輕拍着73歲媽咪的膊頭叮囑。劉媽媽包曉華現半退休,身形富泰,外表不似73歲,但作為獨生女的劉雅麗,眼見媽咪年紀漸老邁,「 ...




「乖乖哋」51歲的劉雅麗,輕拍着73歲媽咪的膊頭叮囑。劉媽媽包曉華現半退休,身形富泰,外表不似73歲,但作為獨生女的劉雅麗,眼見媽咪年紀漸老邁,「 ...






「乖乖哋」51歲的劉雅麗,輕拍着73歲媽咪的膊頭叮囑。劉媽媽包曉華現半退休,身形富泰,外表不似73歲,但作為獨生女的劉雅麗,眼見媽咪年紀漸老邁,「佢嘅健康係我嘅福氣,而家好似我係阿媽,成日哦佢。」

這天,劉雅麗拖着媽咪包曉華到尖沙嘴做《蘋果》母親節專訪,她的眼睛最似媽咪,兩母女笑起上來都有一對「腰果眼」;唱家班的劉雅麗,有一位唱家班的媽媽,60年代曉華姐已在夜總會做駐場歌手,之後加入無綫在《歡樂今宵》唱歌,近年更在無綫劇做特約演員,專演有錢太太、麻雀腳等角色,參與的劇集包括:《愛回家》、《天與地》、《溏心風暴3》、《機場特警》等,劉雅麗望着媽咪笑謔,「佢紅過我,出鏡率高過我,專做有錢人。」

曉華姐於22歲生下女兒,但原來她65歲那年才嫁給劉爸爸,兩人只有劉雅麗一個獨生女,為人父母,都想女兒有個好歸宿,但劉雅麗年屆51歲了,仍未結婚,曉華姐擔心自己百年歸老後,只剩下女兒孤單一人,「我都有擔心,但我成日覺得天意囉,隨緣,你冇辦法,唔通夾硬塞個男人,個男人唔好仲衰!」有冇介紹男仔給劉雅麗?曉華姐笑說:「佢好尖奄腥悶,我唔會介紹。」思想開通的曉華姐,還陪女兒度過失戀的日子,「我同佢講分手唔使傷心,大家喺埋一齊有付出,唔好賴邊個衰,成日勸佢緣盡,唔好咁mind,我知道你hurt,唔開心喊吓,時間沖淡一切,成長要經歷好多嘢。」

曉華姐和劉爸爸相伴40多年,8年前才在拉斯維加斯註冊,「我成日覺得一張紙啫,唔好嘅張紙係廢,其實最緊要兩個人互相扶持了解,註唔註冊冇所謂,我係唔mind嘅。有一年,我哋去拉斯維加斯參加婚禮,有朋友話我哋成日講結婚都唔結,不如今晚結,我老公話好,跟住去咗註冊登記,再去賭場附近教堂,貓王以前都喺度結婚。」父母結婚了,但劉雅麗卻沒在場見證:「我喺香港有嘢做,有晚收到auntie電話,你父母明日結婚喎,我話即刻買機票都飛唔切,所以佢哋結婚,我係唔喺度,真係即興得咁緊要。我幾欣賞佢哋,而家差唔到50年,佢哋仲係好好,有時行街會拖手。」

「如果我去咗街,佢會問去邊度,佢一直都好孝順,而家更加孝順,可能我年紀大,多啲關心我,我哋兩個成日去旅行,好鍾意去上海食大閘蟹。」曉華姐說。劉雅麗笑媽咪跟大閘蟹有仇,每次食4、5隻,令她好無奈,「佢嘅健康係我嘅福氣,而家好似我係阿媽,佢係女,我成日哦佢:『你病嘅時候我好大壓力,我得一個,又要做嘢又要睇住你,我分身不暇,冇兄弟姐妹分擔。』佢唔鍾意嘅嘢點講都冇用,最大嘅嗌交係身體檢查,講咗幾多次都唔肯去,佢去年終於好畀面我,做咗一次大腸篩查。」曉華姐跟普遍長者一樣,覺得身體冇事不需做檢查,「佢擔心我健康,佢成日咁講,我要保重自己,因為佢係獨女,我老咗有病要佢照顧,所以自己要小心啲,其實我都係望佢身體健康。」

身為獨生女的劉雅麗,小時候因為曉華姐在夜總會唱歌,由外婆照顧,「外婆好錫我,但唔夠十歲走咗,跟番媽咪,嗰段時間佢要返工,晚晚唱到4點,嗰時係獨留兒童在家,我一個人喺屋企,佢要走場,中間搭的士返嚟睇我,變咗好珍惜同媽咪時間,因為少見,我6點起身返學,佢未起身,我放學返屋企,佢又返工,變咗放假時間,朋友約我去玩,我話等佢起身先,希望見佢多啲。」

曉華姐其實大有來頭,是香港音樂人協會主席、創會執委及司庫,於60年代踏足歌壇,擅長唱國語和英文歌,曾經是海洋皇宮、金漢、漢宮夜總會等駐場歌手,70年代為黃梅調電影做幕後代唱。劉雅麗受媽咪影響,3歲已經識唱《高山青》,「佢鍾意織冷衫睇愛情小說,佢做乜,自自然然跟晒佢,做人都係,佢教法唔縱,亦唔會話你知世界美好,反而話好多衰人小心啲。最記得第一次拍拖18歲,佢同我講一樣嘢,好好笑,我覺得我阿媽好大膽,佢話女仔點都有第一次,你覺得值得嘅咪去囉,但千祈唔好有小朋友,累咗下一代,我直情呆咗。」

劉雅麗的外表硬淨,曉華姐就溫柔自得,兩母女一凹一凸。記者預備了3條簡單問題,包括最喜歡的歌曲、食物、顏色,測試母女間的了解程度,曉華姐只估中女兒鍾意黑色,劉雅麗卻輕易全中,果然對媽咪好了解,難怪曉華姐不停讚女兒孝順,「佢好好,真係好,尤其最近疫情,我哋成日傾偈,一齊食嘢,好多時間陪我,佢係『姪女』嚟。」劉雅麗大笑着更正媽咪的廣東話發音:「宅女,唔係姪女,哈哈哈!」

撰文:余燕儀

攝影:仇志德

攝錄:廖達燊

場地:台北·寬巷子@海港城

-----------------------------

App內1-Click訂閱《蘋果動新聞》

按此了解更多

攝影:仇志德


曉華姐:「開心日日都係母親節,佢日日都對我咁好。」


兩母女都愛飲檸檬茶


睇番舊相都開心


劉雅麗最擔心媽咪的健康


51歲劉雅麗仍未結婚,令曉華姐都有點擔心。


曉華姐:「隨緣,唔通夾硬塞個男人畀佢,個男人唔好仲衰。」


曉華姐不但是資深歌手,近年更做埋特約演員過戲癮。


2014年兩母女合作做舞台劇《茶館》。 (受訪者提供)


8歲時體重113磅,32吋腰,買唔到底褲,媽咪要幫她訂造孖煙囪。 (受訪者提供)


當年曉華姐在金漢夜總會唱歌,劉雅麗去探班。(受訪者提供)


1歲時在維園拍攝(受訪者提供)


劉雅麗:「媽咪後生時好靚,2013年我再做《我和春天有個約會》,同髮型師講要跟番呢個頭嚟set。」(受訪者提供)


曉華姐65歲時在拉斯維加斯和劉爸爸註冊結婚(受訪者提供)


(受訪者提供)



鍾意就快D Share啦!