2020年5月9日星期六

【等得好苦】健身室重開胡定欣張繼聰爭住操肌 #張繼聰 #胡定欣

【等得好苦】健身室重開胡定欣張繼聰爭住操肌

胡定欣、胡蓓尉和張繼聰去到健身室個樣真係開心晒！

受到「限聚令」影響，健身室早前被迫停業，一眾在健身室操慣肌的藝人，個個都大叫辛苦，呢日健身室有限度開業，呢班恨做Gym的藝人，當然爭住去報到好似近一年冇拍過劇的胡定欣，就同好姊妹胡蓓尉齊齊在健身室打咭，她仲似乎唔多滿意自己身形，留言：「邊有肥呀?!咩喎...多左肉個度我無俾你睇到啫，FIT開既，多忽肉仔都嫌多，今日教練話＂輕Can＂做，我就話係”輕Can＂地勁做，過程當然嗌酸又攰又痴線，但C都要頂住...ARRR!!~~~開始有得去返GYM，但大家記都要保持衛生，加油！#鬼鼠肉#可唔可以有個㩒左直接DELETE忽肉」另外，當然唔少得迷上健身多年的張繼聰，騷住老鼠仔咁自拍，寫道：「終於可以去見吓啲啞鈴，泵吓d肉仔」仲有張寶兒和張達倫一樣好努力咁狂操。