網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年5月9日 星期六

【集氣開續集】歐錦棠自爆開拍前炒晒編劇 歸納意見預備下一部 #歐錦棠

(IG截圖)歐錦棠監製、編審、動作指導兼主演的電視劇《打天下》昨晚播出大結局,歐錦棠、談善言、AnsonKong和張建聲舉行了FBlive,在劇集播出 ...




(IG截圖)


歐錦棠監製、編審、動作指導兼主演的電視劇《打天下》昨晚播出大結局,歐錦棠、談善言、Anson Kong和張建聲舉行了FB live,在劇集播出前和播映後,與網民談感受。雖然劇集出街後,有人大讚題材新穎,同樣亦有人批評剪接太碎,有人更覺得有某部份故事內容太沉悶,不過仍然有不少網民希望可以開續集,在直播期間,阿棠和阿談本來偏向不開第2季,但最後都經不起大家的要求,阿棠說:「偏向延續,要有新嘅拍法同打鬥方法。」

今日阿棠接受《蘋果》訪問,問到是否真的有這計劃?他說:「其實之前講咗係唔想,阿談都唔想,大家都覺得見好就收,結局其實都係完滿,各有方向,對我嚟講件事係完咗,喺人生仲要繼續生活,不過,我又真係估唔到啲網民反應,我自己覺得今次有好多嘢係值得批判,唔係覺得自己做得好好,佢哋都話劇本真係麻麻,不過都好睇喎!我又真係要多謝佢哋,鬧完都鍾意睇,今次我歸納晒所有意見,下一部知道應該要點樣做,有啲嘢唔可以咁樣做,嚴格嚟講,下次再做監製,要再監察多啲。」阿棠表示做完live之後,即場與大家再傾偈:「如果真係再開,原班人馬係一定嘅,但係故事就完咗,唔會每一季都係春青火花,我本身唔係一個鍾意重複嘅人,希望用一個嶄新嘅面貌去見大家,唔會係為續集而開拍,不過我而家都係發夢啫,ViuTV都未話畀我拍。」

從籌備、開拍到播出,阿棠直言上了人生最重要的一課,對於自己今次的表現,他說:「好難評分喎,但係我滿意自己做到咁多年想做嘅嘢,亦都滿意做到自己想做嘅效果,唔滿意當然係有好多沙石,後期嘅功夫。」阿棠忍不住自爆一個秘密:「我最初係炒晒班編劇,故事係我度出嚟,但係我要兼顧咁多職位,梗係放手畀人做,但係改咗3稿都係不堪入目,最後同高導演講,我真係接受唔到,要炒晒佢哋,嗰陣係預備開拍,惟有自己寫頭5集,再搵新編劇幫我。呢個係一個錯失,但係嗰個難處同辛苦,出便嘅人係唔會知,不過我都有照計番酬勞畀佢,怪自己遇人不熟,之後副導演都有同我講,如果我肯拍最初嘅劇本,佢哋一齊辭職,所以今次真係好多謝編劇馮寶怡,執咗呢個燙手山芋。」

Anson Kong亦在IG貼了拍期間的花絮相,他先感謝「關志浩」令他明白何謂堅持,亦感謝台前幕後的包容:「因為你們的愛,令我很舒服地成長,再一次感謝棠哥同導演嘅信任,我知道起初你們很擔憂,希望冇令你們失望,呢段時間喺你哋身上學了很多東西,謝謝你們。話咁快就大結局,好唔捨得,今次真喺希望……未打完! 如果真喺想有Season 2,睇嚟真喺要靠大家集氣了!但無論如何,喺度感謝每一位支持過打天下同關志浩嘅朋友們,希望呢份熱血有感動到大家,咁就足夠了。」談善言還說:「莊惠,希望我沒有辜負你。謝謝你帶給我的一切,再會!」

-----------------------------

App內1-Click訂閱《蘋果動新聞》

按此了解更多

昨晚阿棠和阿談等人FB live睇直播。(網上圖片)


(網上圖片)


Anson Kong感謝劇組包容。(IG截圖)


談善言留言感不捨。(IG截圖)


阿棠表示即使再開續集,將會是嶄新故事。(資料圖片)



鍾意就快D Share啦!