歌手施匡翹於7月18日確診武漢肺炎，之後被送到鯉魚門隔離營，跟她有密切接觸同被確診的經理人劉麗萍（Apple姐）和麥德羅都已康服出院，但她至今仍未完全康復。
施匡翹今日接受傳媒訪問，談及目前健康狀況，她透露身體沒有不適，感覺良好，至今仍未離開隔離營有幾個原因：「每日做深喉唾液測試，睇病毒數量，每日驗兩次，要連續兩次Negative，醫生至考慮畀唔畀離開。目前為止試過一次（陰性），唔係連續兩次，所以未可以離開，不過醫生話我病毒量接近冇，但係有時需要時間再等佢更加穩定，才放病人離開會更加安全。」
至於康復時間比較長的原因，她解釋：「我冇用任何針藥，醫生建議唔好咁做，因為我年紀較輕，又冇任何唔舒服，慢慢好對日後健康會更理想，我都認同，純粹隔離，觀察我嘅血壓同睇吓有冇發燒。醫生話我係正常，同我相約年紀嘅人都係靠自己免疫力去康復，大約要28日，今日我係24日左右，再穩定先考慮畀我離開，或者抽血驗到有抗體都可以。」
她表示感謝外界的關心，希望能早日康復，隔離期間心情難免會有起伏，靠睇書和樂觀去面對。工作方面，原本每周四在新城主持《猜情尋》節目，今集她會預先錄音，施匡翹說：「我算可以復工，靠聲音同大家分享正能量，今個星期四工作，安排咗自己喺隔離營入面錄定啲聲，交畀主持人Tony播畀大家聽。最後希望大家身體健康，自己早日康復同大家見面，唔使擔心。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
