- 【嫌舊名太有「殺傷力」】「波波姐」莊端兒改名「莊韻澄」：快啲有真桃花，一兩年內結婚生仔
- 4小時前
「波波姐」莊端兒（Xenia）上月初宣布改名「莊韻澄」，Xenia指舊名字太有「殺傷力」，「師傅話我本身個舊名，好似一把刀，好鋒利，之前都割咗個膽，我數過冇器官可以再割，除咗條盲腸之外，自己都驚，開始對個名好抗拒」。
為加強新名「效力」，Xenia在公布新名時，更同時上載多張性感婚紗相，「師父話（新名）可以快啲搵到真桃花，身邊亦都會多貴人，如果呢一兩年結婚生埋仔，就更加行運」。
受疫情影響下，Xenia過往的主持工作，幾乎全面停頓，她透露現時與離開大台的陳潔玲等人，轉型做網上直播銷售，「直播賣嘢成績唔錯，今年多咗做生意，除咗代理魚皮，又識多咗供應商，直播賣可以價錢平啲，大家互惠互利。」
不過Xenia指在網上銷售，不可單靠藝人身分，更加要不時度新賣點，「唔可以再用藝人身份搵錢，自己另外去諗點係疫市中爭扎，一路都諗緊有咩產品大家都有需要，例如湯包，點可以OEM。去年底開始學做生意，識到唔少廠家，希望唔好遇到老千，唔想坐貨，疫市要拎一大舊錢投資，其實都有啲驚，今次做網上直播銷售，幾個人都有拎錢出嚟買裝備，唔係用手機拍，希望將來可以長用長有。」
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
