掃呢頁CODE去手機

2020年8月11日 星期二

【得寵指數跑贏大婆二奶】鄧兆尊激罕帶G奶新三奶出鏡 笑騎騎回應愛食「豬扒」 #鄧兆尊

【得寵指數跑贏大婆二奶】鄧兆尊激罕帶G奶新三奶出鏡笑騎騎回應愛食「豬扒」5小時前早前政府宣布推出新一輪限聚令,人數上限減至為二人,不少網民擔心「一拖三 ...




  • 【得寵指數跑贏大婆二奶】鄧兆尊激罕帶G奶新三奶出鏡 笑騎騎回應愛食「豬扒」
  • 5小時前




早前政府宣布推出新一輪限聚令,人數上限減至為二人,不少網民擔心「一拖三」的鄧兆尊如何分配「配額」,不過兆尊就以「疫情下好少出街」為由,免過限聚令帶來的煩惱。

幾個月前與舊三奶Claire分手的兆尊,空缺位火速由G奶新歡陳小姐補上。日前兆尊更罕有帶同陳小姐「出鏡」,接受苑瓊丹(苑仔)訪問,得寵指數明顯跑贏大房Carmen同二奶Cherry。



過往兆尊多位女友皆屬「圓潤型」,苑仔大膽當住G奶新歡面前笑兆尊「鍾意食豬扒」,不過正值熱戀期的兆尊,毫不介意兼笑容滿面回應:「扒有好多種,靚嘅擺喺屋企,係靚豬扒嚟!」,苑仔打蛇隨棍上,問陳小姐如何俘虜兆尊,身穿低胸吊帶衫的她,就以唔咸唔淡,帶鄉音的廣東話答:「子(煮)飯Be(畀)佢蝕(食)囉!」,又指「要留住難(男)忍(人)個心,先要留住難(男)忍(人)個胃」,G奶新歡果然有啲計,難怪兆尊即時有反應:「梗係食咗啲好嘢,先有體能!」

兆尊過往多次強調對三名女友「一視同仁」,月花20萬「養三頭家」,不過,今次明顯被陳小姐打破「常規」,不但在疫情下,棄四人行,改過二人世界,多次被傳媒影到同新歡手拖手行街,兆尊更幫手拎戰利品兼不介意排隊買飲品,又齊齊戴情侶戒指。在二人限聚令下,兆尊偏心,數次只揀新歡「點燈」外出,對G奶陳小姐,擺明錫到出晒面。

鄧兆尊日前帶同新歡陳小姐,接受苑瓊丹訪問。

陳小姐身穿低胸吊帶衫,相當進取。

去年祥嫂喪禮上,大婆Carmen以正印身分出席,地位穩固。

鄧兆尊與舊三奶Claire(右一)分手後,火速有新歡陳小姐。

----------------------------

無懼白色恐怖 黎智英劉細良開講抗港版国安法

立即收看ChannelNEXT《人民學堂》

----------------------------

全新「和你撐計劃」 專享獨家禮遇 實際行動支持按此了解更多

壹呼百應 號召有心人 請香港人睇壹週刊按此了解更多

-----------------------------

【昔日紙本檔案庫】

30年壹仔經典 壹壹重現!


鍾意就快D Share啦!