嫁女實感動
現年67歲的歌手鍾鎮濤（阿B）嫁女喇！育有一子三女嘅阿B早就係人生大贏家，點知近日網上就有一段「鍾鎮濤嫁女片」流出，指係阿B出席「大女」婚禮當晚，阿B將「愛女」手仔交付畀「女婿」手，又見到三女鍾幗現身撐「家姐」，之後阿B忍唔住即場爆喊，又用手掩面，表現非常不捨！
大陸唔少媒體都紛紛轉載片段，更有大批網友大讚阿B係好爸爸，依家仲Keep得咁好，又笑指阿B交付愛女一幕睥爆「女婿」，係咁嗌「女婿」千祈唔好辜負阿B「大女」添！
不過東網記者翻查資料，原來成段片都係出自2013年歌手黃小琥《放心不下》歌曲MV，一切都只係戲劇效果，片中大女同女婿都只係演員。當時阿B接受傳媒訪問時直言，自己都有真情流露，一諗到將來囡囡出嫁都會好唔捨得，不過難得網友依家咁真心真意祝賀阿B，唔知阿B幾時做真．外父，等一班觀眾再祝賀佢多次呢？
來源 source: http://hk.on.cc
|
鍾意就快D Share啦！
|
|
|
