2020年9月16日星期三

【終於可以返學】明星仔女今日復課星媽最興奮

終於可以返學校，無論係大人定小朋友都好開心。

教育局早前宣布，學校今日起可安排不多於六分一學生回校上半日堂，一眾明星仔女終於可以返學校，各位媽媽都難掩興奮心情，紛紛Post仔女着校服返學嘅相上網。

關心妍（Jade）今日親自送4歲女兒楊榮心（Jovia）返學，她留言指囡囡好興奮，因為終於可以見到校長、老師和同學。網民留言表示關心妍起身第一件事唔係跑步，而係同囡囡返學，好搞笑。

蘇永康太太Anita亦同3歲半囝囝蘇展弘（Jazz）返學，因為今日係Jazz返K1嘅第一日。除了上學前留影，放學後蘇太亦替分享自己課後感的囝囝拍片，令Anita大呼「Proud of you」。

鍾麗淇（Margaret）就發佈快5歲的幼女Michela Ruggero的校服相，只見Michela雀躍又自信，比起今年初的照片亦大個了很多。Margaret留言指今日是Michela去新學校的第一天，著上新衫新鞋迎接小一開學。

姚樂怡雖然無Post同4歲半囡囡吳芊憧（小雞髀）嘅合照，不過就大方分享啱啱升小一嘅女兒跟同學校朋友拖住手嘅相。她表示今日是新年假之後第一日番學，自己仲緊張過囡囡咁話呀。