藝人羅子溢主演的劇集《家族榮耀》在港推出時撞正第5波疫情爆發，令原本打算全力協助宣傳的他不得要領，因為仔細老婆嫩，惟有即時暫停所有工作，閉關專心照顧小朋友。今日（13日）他於社交平台上載與囡囡及囝囝的互動照，且留言：「爸爸的日與夜…＃鬍鬚愈來愈長＃每日聽得最多就爸爸爸爸！」
他接受東網訪問自嘲說：「我自己頭髮同鬍鬚都冇搞過，好似野人咁，反而學識幫個大女剪指甲，老婆就負責囡囡嘅髮型，我哋變身個女嘅御用美容師。」他又大爆「小珍珠」從小貪靚：「好多小朋友聽到剪髮都喊，我哋就同佢講，剪完就靚晒，所以佢從來都冇扭計㗎！」
由於疫情關係，其主演新劇將延至4月開鏡：「依家喺屋企，現階段暱埋收身，配合角色造型。暫時冇工開都有另類得着，幾開心能夠爭取時間同小朋友相處，追番當日因開工冇得陪剛出世嘅囡囡。（仔仔叫咩名？）唔講喇，我哋都係叫佢細佬咋。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
