今日314是白色情人節，無綫小花江嘉花早前被爆與電競高層男友Anthony分手，疑有人「偷食」，更貪新忘舊將她拋棄，情傷未愈的她聞說鬱鬱不歡，一直匿埋唔願見人，沉寂了一段日子，終於在社交網蒲頭，素顏的她披着一頭散髮，嘟嘴捧住客戶送她的朱古力，並留言：「白色情人節....有朱古力陪我過。」佢話以前唔愛食黑朱古力，但依家竟然會鍾意咗，唔知係咪因為內心深處有點苦澀。
她拎起一粒朱古力，招紙上除咗有鐵塔圖案，仲有「很想念你」4個字，她自己就再打上這這句話，仲用心形做符號，似乎她忘記唔到舊愛，仲忍唔住咁坦白話畀大家知好掛住「佢」。其實被爆分手時，她曾在限時動態上載咗2本書，可能是想靜靜一人，所以向好友、粉絲們報平安，留言：「把自己關在家裏快半個月了，大家放心，我沒生病，身體好得很...也有準時吃飯...我只是...需要一點時間，謝謝朋友送我的兩本書，都是很值得深思的課題。」大家就齊齊幫她打氣，叫聲加油吧！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
