由無綫和港台破天荒合辦的《香港金曲頒獎典禮2021/2022》今晚（24日）舉行，歌后終於揭盅。一如東網所料，鄭欣宜在女歌手方面一枝獨秀，之前她已在《新城勁爆》、《叱咤》及ViuTV的《Chill Club》連下三城奪女歌手獎，最終歌后成為她囊中物，奪得「女歌手大獎」。
奪得女歌手大獎的鄭欣宜，成為女歌手大滿貫的她說：「好開心，多謝公司畀信心佢，幫我爭取到好多，感覺好奇妙，經歷咗好多，都都未完，都希望繼續進步，做更多的音樂去紀錄自己成長。」問到她點樣慶祝？她笑言好想食薯條；「但唔食得住，因為明日要唱歌，遲啲一次過食，呢排日日食pizza、雪糕，但就快要同Anson Lo開騷，所以都要準備。」
她可定下新目標，有冇咩獎想攞？她笑說：「我想冧莊繼續攞，（後浪都好勁，頂唔頂得住？）所以呢個都係一個動力嚟，提醒自己要不停進步。」早前她媽媽沈殿霞忌辰，有網站幫肥姐搞了個紀念，她說：「事前我都知嘅，上年就籌備，多謝嗰個搜尋器，我都好感動，令到媽咪呢個傳奇延續落去，好多粉絲仲記得佢。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
