2015年5月1日 星期五

我愛《大時代》 [忽然1周 - 1031] 大時代,MW,



博出位

我愛《大時代》

《大時代》劇力萬鈞,就算大台最近又又又重播番,熱潮一啲都冇減弱。「方進新」劉松仁( Damian)嘅神級演技唔止被網友瘋狂洗版,有松哥出現嘅地方,連群星都要爭住集郵,齊齊「捉松」影合照!

劉松仁 被集郵

難得松哥出席宣傳活動,王梓軒、黃心穎、鬼妹陳明恩同王君馨都捉住「方進新」影合照。王梓軒仲連環影咗兩張,果然係 fans。

車婉婉喺飯局都有捉住松哥合照,仲話松哥過咗好多料俾佢聽。唔知松哥係咪過咗幾個股票「冧巴」俾佢呢?

郭政鴻 晒跳樓

劇中做丁蟹細仔「利蟹」嘅郭政鴻,連自己跳樓一幕都 post埋出嚟(左),並感慨套劇今時今日仲可以拍電影版。佢都出到聲,唔知大台預唔預埋佢呢?

莊思敏 鬧松哥

莊思敏都有晚晚追《大時代》,佢睇到松哥催淚演技,忍唔住 post相,仲話松哥拍得咁好,想喊死佢喎。

林柏希 獲回覆

首播《大時代》時,新城 DJ林柏希(右圖)只係讀緊中三,如今重播,佢大讚第一集已經好有張力,仲話:「依家啲劇拍唔到呢個水平,瞓少啲就瞓少啲,一於再集集追!」劉松仁見佢咁支持,都留言話:「瞓少 D(啲)都值得。」

鍾意就快D Share啦!
Related Posts Plugin for WordPress, Blogger...