掃呢頁CODE去手機

2015年5月1日 星期五

犯大肚婆禁忌 湯盈盈暗示再佗女 [忽然1周 - 1031] 盈盈,湯盈盈,MW,



湯盈盈摸住肚子,狀態滿足,還叫大家睇下其肚呈尖或圓,從而估下她今胎仔定女。

娛樂喧

犯大肚婆禁忌 湯盈盈暗示再佗女

四月初湯盈盈在微博宣布再有喜!她和錢嘉樂的囡囡 Alyssa錢凱晴剛兩歲生日,即榮升做家姐。佗 B四個月的湯盈盈,仍不忘工作,上周五( 24日)她先在銅鑼灣為大台拍攝節目,之後再會合媽咪和囡囡「三代同堂」行街。現場所見湯盈盈為貪靚堅持着鬆糕鞋,又不時抱住重磅囡囡,之後更忍唔到口食雪糕,犯晒大肚禁忌。

湯盈盈離開時,接受本刊訪問更手摸偏圓的肚皮說:「啲人話個肚尖就係仔,圓係女,你哋估下」咁講法她分分鐘再佗女,難怪錢嘉樂日前直言:「仔女我都愛!」果然廿四孝!

三年抱兩係不少父母的夢想,錢嘉樂和湯盈盈亦快將完成「壯舉」。四月初湯盈盈於微博宣布造人成功再有喜三個月。不過一向鬼妹仔性格的她似乎未有受大肚影響,繼續貪靚,繼早前三吋高踭鞋出席金像獎後,平日行街一樣要高人一等。

肚當櫈坐

湯盈盈錫囡囡錫到燶,不單止抱實女兒唔放,更讓對方坐在自己肚上。

雪糕兩份分

其間湯盈盈買了雪糕𠱁囡囡,不過自己亦忍唔到口,偷食了幾啖。

堅持着鬆糕鞋

臨走前, Alyssa不停向記者揮手講 bye,相當趣致。而堅持着鬆糕鞋的湯盈盈,則坦言:「有人話我唔乖!」明顯所講的是老公錢嘉樂。

三代同堂掃貨

上周五( 4月 24日)湯盈盈為大台於銅鑼灣嬰兒用品店拍攝節目,現場所見她身形圓潤不少,但貪靚仍堅持穿着私伙三吋鬆糕鞋。完成拍攝後,湯盈盈媽媽帶同孫女及工人與盈盈會合,再戰附近商場勁掃潮牌童裝。

湯盈盈不只為靚犯禁,晚上到著名 Jamie's Italian餐廳用餐前,就不時單手抱住囡囡 Alyssa。其間湯母曾一度叫盈盈放低囡囡,但盈盈未有聽從,之後更抱實囡囡一同分享一杯雪糕,毫不戒食生冷食物。離開時她更向記者直言:「我都俾人話我唔乖。」

知情人士爆料:「盈盈喺加拿大長大,鬼妹仔性格唔理呢啲傳統嘢。第一胎嗰陣已經冇戒口,又照開工,嘉樂話極佢都唔聽冇晒佢符,惟有得閒嗰陣自己睇實佢。嘉樂仲叫埋外父外母返嚟香港,幫手睇住盈盈。」

老公陪產檢

4月 15日,錢嘉樂專登抽空陪老婆去中環做產檢,當日盈盈相當乖,刻意着上波鞋。

《蘋果日報》圖片

三代同堂

當晚湯盈盈帶住媽咪、囡囡 Alyssa和外傭姐姐到銅鑼灣食完西餐才一同返家。

認佗重磅 B

至於腹中胎兒是男是女,錢嘉樂在 4月 15日陪住老婆做產檢時已經知道結果。記者問到湯盈盈,她承認:「知道咗係㗎啦,不過想等啲人估下先。啲人話個肚尖就係仔,圓就係女!(比起上一胎, BB重唔重磅?)今次呢個係大 B嚟!」講到肚圓時,盈盈更摸住肚皮。記者現場所見,湯盈盈肚形較圓,似乎想暗示今胎是佗女。再問到媽咪有冇煲滋補湯水給她養胎,她說:「總之依家錢凱晴飲咩我飲咩,都係啲靚嘢,有機嘢咁!」她還透露有 keep住做瑜伽。

大住肚四圍遊

懷第二胎的湯盈盈,已不再是新手媽咪,近日亦把握機會四圍去。日前她就約埋陳浩民夫婦和文頌嫻夫婦去睇 Cavalia馬戲團表現,之後更去後台參觀表演的馬匹。

嘉樂:唔係仔都開心

今次佗第二胎,湯盈盈坦言個肚比上一胎更快大。至今懷孕四個月的她,早前陪錢嘉樂出席金像獎頒獎禮個肚已籮咁大。

雖然錢嘉樂曾透露過想添丁湊個「好」字,但相信即使湯盈盈再次佗女,亦未有影響他心情。早前錢嘉樂帶同老婆湯盈盈出席金像獎時,透露百忙中抽空帶老婆及囡囡到中環觀賞馬戲團表演。錢嘉樂又多次表示生仔生女都好「冧」,去年他接受本刊訪問時就講過:「我哋係有計劃嘅,就算唔係仔都一樣開心,兩個女我都 ok,女我都錫,仔女都係自己嘅!」其實每個仔女都是父母的心肝寶貝,都一樣錫嘅!

錢嘉樂 有機會四年抱三

湯盈盈再懷孕,錢嘉樂有冇機會添丁?本刊搵來玄學家麥玲玲解構:「錢嘉樂命格嚟睇比較旺生女,囡囡仲會同爸爸親啲,生仔嘅機會就低少少。不過佢命中係會有 3個小朋友,都有生仔命,今年有(指懷孕)下年都有機會再有,四年抱三都仲得。」

娛圈大肚犯禁盤點

吳文忻 巨肚做瑜伽

去年吳文忻懷孕六個月時,發現子宮頻密收縮,有早產跡象,醫生建議她減少運動量,不過她仍堅持挺住巨肚做高難度瑜伽,果然大膽。

《蘋果日報》圖片

王菲 佗 B照搬屋

05年王菲證實為李亞鵬懷胎三個月,當時她不惜犯孕婦搬屋的禁忌,搬離香港九肚山寓所,到北京安胎。

蔡少芬 懷孕照開工

10年蔡少芬佗住大女張楚兒時,仍堅持拍攝內地劇《後宮甄嬛傳》,唔單止成日搭飛機中港兩邊走,更有傳拍攝時她乘坐的人力轎發生意外,由半空着地,工作人員亦大呼危險。

鍾意就快D Share啦!