大受歡迎的無綫劇《一屋老友記》，以35點高收視圓滿結束，剛過去的星期一開始播出由陳展鵬、袁偉豪及胡定欣主演的《城寨英雄》。劇集以香港50年代的九龍城寨為背景，標榜硬橋硬馬真功夫，第一集已經有唔少精彩大戰！連番動作場面夠吸睛外，第一集客串的演員都好搶眼！除了客串霸氣阿媽的唐詩詠，飾演童年煎Pang的呢位小朋友你又認唔認得？
第一集劇情講述朝猛山(陳展鵬分飾)與段通天(袁偉豪分飾)同為八極門高手，二人不打不相識，合作對付惡霸。其中小演員楊凱博飾演朝猛山的兒子朝陽(即童年陳展鵬)，年紀小小但外表俊朗，而且有一身好功夫，令人難忘！
後來城寨突然發生大火，通天與猛山一同進入火場，但眾人發現通天竟被猛山活活打死！
雖然猛山堅決否認，但城寨眾人把猛山一家都當作仇人，不賣食物令他們水盡糧絕。而通天之弟為報殺兄之仇，極想將猛山一家趕盡殺絕，淑娟(唐詩詠飾)打開秘道讓一對子女逃命後，兩夫妻便雙雙被打死。
朝陽逃出後想折返救父母，便著妹妹在炮台處等候，自己跑回家。但發現眾人已經離開，而且四出搜尋自己及妹妹，朝陽只好重返炮台打算帶妹妹走。
但朝陽回到炮台後發現妹妹已經唔見咗，佢在雨中一直守候都未見其蹤影。父母雙亡、妹妹又失蹤，朝陽只好帶著遺憾離開香港… 凱博成功演繹出作為哥哥的承擔，又表達出失去家人的傷痛，睇到觀眾好心痛！
小演員楊凱博的演出經驗不少，不過最令人難忘當然係呢個2012年的保險廣告！佢在廣告中戴住眼鏡好可愛，而且表情趣緻地講出︰「乜嘢叫保險呀？」輕易令人留下深刻印象！佢今次在《城》入面咁搶鏡，相信將來一定大把演出機會！
而另一個廣告版本中，凱博的對白係︰「做警察唔使打功夫。」佢仲在廣告中露番兩手，有姿勢有實際！原來凱博真係識功夫，師承香港著名武術運動員李暉，曾經在兒童武術比賽中獲獎。難怪凱博第一集中耍功夫都甚有功架！唔知劇集之後仲有冇機會見到佢使出真功夫呢？
有相為證，勁呀！
不過由於凱博在廣告中太亮眼，令佢成為網民的改圖對象，慘被加上粗口對白，以及同唔同人物Crossover。
|
鍾意就快D Share啦！
|
|
|
