網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年2月22日 星期四

何解誠哥有寶不落? [壹週刊 - 1459 - 財經] __,M1,

誠哥對林順潮(左一)在國內發展醫療事業一直支持,○四年在林順潮陪同下,探望三饒衞生院。中環人語何解誠哥有寶不落?投資界預料,狗年旺醫療股,鬼咩,有辦你 ...






誠哥對林順潮(左一)在國內發展醫療事業一直支持,○四年在林順潮陪同下,探望三饒衞生院。

中環人語

何解誠哥有寶不落?

投資界預料,狗年旺醫療股,鬼咩,有辦你睇,舊年上市的希瑪眼科( 3309),炒味之濃出乎意料之外。

股價雖然由十九蚊撻番落九蚊,依然較招股價$2.9倍升,狗年首個交易日更反彈三成,聽講林順潮醫生醫療生意上市之念頭,來自一位由金利豐朱太介紹的女性友人,上市過程當然有朱太光照,加上廖創興潮州幫合奏,希瑪股價炒上至$19又有乜出奇,奇怪是,同是家己冷的超人李嘉誠一直好支持林醫生在國內的醫療事業,何解無支持吓希瑪做其機構性投資者?好易睇啫,誠哥同朱太冇乜兩句。





金利豐老闆娘是希瑪眼科傳奇的「推手」。

半島老總聚焦入財位

半島酒店換上從上海調來的總經理張榮耀,正所謂新人事新作風,年初一的舞獅助興,有別於以往踏正早上九時正開鑼,特意選定十一時零八分吉時,不單只舞獅,更舞龍,獅子走到半島東南西北各個入口採青之餘,獅子逗留最長時間是酒店接待處後面賬房,呢個位最緊要,入財位也!半島酒店的嘉道理家族來自上海,呢位新上場總經理似乎做足工夫,舞獅完畢後,見到各名牌店鋪的代表如 Chanel、 Hermè s紛紛向半島員工派利是,呢啲就叫「互利共生」,唔少半島酒店房客大出血後,由半島員工把戰利品送到房間,過時過節有封利是袋吓,笑容都燦爛啲!





年初一早上,夏國璋醒獅隊在半島酒店,等候十一時零八分吉時開鑼。





名店代表手拿大袋紅包。





Chanel代表廣派利是。





獅子舞入「賬房」。





醒獅隊到過酒店各入口及接待處採青。

全城守孝

九巴車禍,全城守孝,政府下半旗致哀兼取消年初二煙花匯演,原因是當權者要向宗主國投其所好以保住個地位,正所謂:「萬般皆下品,惟有『舐』上高!」

取消煙花匯演但花車巡遊如常,按入境處公布數字,有七十萬旅客,呢條數一來一回好襟計。呢七十萬個旅客一心嚟香港過農曆年,梗係打算睇埋煙花,他們之口碑原本可以是免費宣傳香港最佳渠道,好過旅發局喺全世界俾錢賣廣告,呢啲 marketing channel為官未必「曉」;家陣政府胡亂取消放煙花兼下半旗,邊個仲夠膽來香港搞大型活動,容乜易隨時死一個人,要買 cancellation燕梳!政府呢鋪等如麥玲玲揸錯羅庚老點迷津!呢鋪真係陸榮廷睇相,唔衰攞嚟衰。既然這十九名死者是馬會的 die hard fans,應該以馬會支旗替死者蓋棺至為恰當。

對於煙花贊助商其士集團,我都知佢花好大心血去策劃煙花晚會,本來其士年初二晚請咗好多嘉賓去會展睇煙花,雖然家族幫襯其士集團一百幾十部,不過就無邀請我噃!然而本少爺就唔會「」睇煙花,寧願周杰倫演唱會飛好過,因為一早已安排君臨天下咁,在半島酒店廿八樓 Felix包 VIP房邊食邊睇,知道唔少餐飲業及酒店房間都遭客人取消訂位及訂房,感受吓餐飲業凋零成點,業界如何迎接經濟寒冬。





去年底已率先到 Felix睇場包房睇煙花。





甜品朱古力球配香柑醬。





煙花景變維港夜景。





年初二取消煙花匯演對餐飲業之影響,睇吓一張張空枱便知。

楊國佳——已故工廈大王楊耀松長子,自詡為工廈小王子( Princeling),眼見香港各方面之國際水平愈見低落,身為退休人士,要豁出來點醒香港人嘅思維。

女大董健步如飛

走在中環街頭上的馬會女大董兼女 banker梁高美懿,一睇佢雙腳就知係「做嘢嘅人」,她穿的是一對倔頭黑色皮鞋,並非 fancy尖頭斗零踭,行起路嚟健步如飛,貴為滙豐首位女性華人總經理,氣場都凌厲過人!





從創興銀行中心步出後過馬路,步履急促。





梁高美懿現任創興銀行副主席,雙腳穿的是舒適為上倔頭鞋。

撰文:宗菁華


鍾意就快D Share啦!


Related Posts Plugin for WordPress, Blogger...