2018年2月2日 星期五

【阿嬌訂婚了】楊受成願包起酒席 笑阿嬌搵到筍盤:你執到啦! __,阿嬌,楊受成,鍾欣潼,

攝影:沈健程英皇老闆楊受成今日都有到灣仔出席小紅姐惠英紅嘅生日派對,當然都有賀準新娘阿嬌鍾欣潼。頭先阿嬌爆料話老闆(即楊受成)第一次同佢講:「你條仔正 ...




英皇老闆楊受成今日都有到灣仔出席小紅姐惠英紅嘅生日派對,當然都有賀準新娘阿嬌鍾欣潼。頭先阿嬌爆料話老闆(即楊受成)第一次同佢講:「你條仔正喎!」咁,佢覆述時都忍唔住偷笑。楊受成受訪時,都大讚阿嬌未婚夫賴弘國(即醫界王陽明)好靚仔:「阿嬌執到我戥佢高興!」

咁當日第一次見賴弘國傾咗啲乜?楊受成稱:「都係傾咗一兩句,問『你好呀』『BYE BYE』。」有冇幫阿嬌做個誠實測試睇下個男仔好唔好?是否值得附托終生?佢就話:「我睇佢個樣都係好人,斯文,又有好職業,樣子又好。不過對阿嬌好唔好呢,就唔知喇。不過應該好嘅,因為我見佢咁開心。」

楊受成又話呢,阿嬌一大早就WeChat佢,話:「有人向我求婚喇!」佢覆阿嬌:「熱烈祝賀!恭喜晒!你執到」佢又話阿嬌結婚嗰日一定送大禮俾佢,大龍鳳鈪一定有。想唔想佢今年結婚?「唔知呀!都唔到我話事。」包辦阿嬌酒席?楊受成就話:「我包冇所謂呀!都唔係好多錢啫!」

一直在旁嘅Mani霍汶希此時話:「古巨基酒席你都包阿嬌你都包埋」楊受成即稱:「見到你(Mani)同容祖兒喺我office出現,我一定會撳住我個袋,因為佢哋一定過嚟搶!冇一次有好結果。霆鋒都係一樣,啱啱先俾佢搶咗幾百萬。」問到係咪霆鋒結婚?楊謂:「唔係,係因為佢北京間舖頭裝修,搵我資助,最終同佢傾,傾成就資助一半。都重傷0架!」咁俾阿嬌搶住咪更值?「阿嬌好難嫁得出0架!」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent


鍾意就快D Share啦!
Related Posts Plugin for WordPress, Blogger...