掃呢頁CODE去手機

2018年2月2日 星期五

【爆相爆片】對住前世情人梗係開心 錢嘉樂勁有耐性教女掟波波 __,錢嘉樂,

結咗婚5年嘅錢嘉樂同湯盈盈,生咗凱晴同凱琪兩個可愛嘅囡囡,早前仲有傳盈盈想為嘉樂生番個慈姑椗,之後就退出幕前,實行做全職媽咪,傳聞講到似層層,盈盈嘅身 ...




結咗婚5年嘅錢嘉樂同湯盈盈,生咗凱晴同凱琪兩個可愛嘅囡囡,早前仲有傳盈盈想為嘉樂生番個慈姑椗,之後就退出幕前,實行做全職媽咪,傳聞講到似層層,盈盈嘅身型有啲脹,唔知係生完一直未收身,抑或係有咗未講得呢?事後嘉樂話係一個美麗嘅誤會!佢話:「等啲女大啲先喇,o依家佢哋晚晚都賽跑,走嚟走去,同一時間照顧唔到三個。」(新聞連結:http://bit.ly/2Ea5XEg)

o依家嘉樂唔單止有一個幸福嘅家庭,事業上嘅發展亦都好順利,擔任咗好多套電影嘅動作導演,愛情事業都好美滿!嘉樂最近努力為電影《黄金兄弟》做後期,但係嘉樂亦都冇忽略屋企喎,《蘋果》讀者朱先生透過「爆相爆片」,見到嘉樂、湯盈盈同埋囡囡去咗中環嘅友邦歐陸嘉年華。

朱先生話:「嗰日大約5點半左右,錢嘉樂同個囡喺度玩掟波波,我見到好多人認得佢哋,不過佢哋冇理,好專心咁同女一齊玩!玩玩吓就見到湯盈盈自己一個人行開咗,得番佢哋兩父女喺度玩!」睇番啲片,嘉樂好有耐性咁教個女掟波波,成個樣又真係好慈父!

唔知嘉樂又有冇掟咗啲大獎俾囡囡呢?朱先生就話:「掟波波嗰陣就唔見,之前唔知有冇,見佢BB車有公仔。」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent

(讀者提供圖片) 最初盈盈都有陪住玩。(讀者提供圖片) 好有耐性喎!(讀者提供圖片)
唔知掟中咗幾多個波波呢?(讀者提供圖片) (ig圖片) 錢嘉樂同湯盈盈結婚後,一直都好恩愛。(資料圖片)

鍾意就快D Share啦!