掃呢頁CODE去手機

2018年2月2日 星期五

港普內地有價 蔡少芬揮低古天樂做一姐 __,古天樂,蔡少芬,

蔡少芬顯霸氣,一艘「無啦啦懶斯」即時KO「渣渣輝」、「骨天勒」同「陳咬春」,勁呢!要進軍內地係咪真係要練好普通話呢?咁又未必係喎!有個人特色嘅「港普( ...


蔡少芬顯霸氣,一艘「無啦啦懶斯」即時KO「渣渣輝」、「骨天勒」同「陳咬春」,勁呢!


要進軍內地係咪真係要練好普通話呢?咁又未必係喎!有個人特色嘅「港普(港式普通話)」原來都係亮點,好似「骨天勒」咁,佢係乜水,咪萬人迷古天樂囉,佢啲廣告合約多到好似雪花咁落,繼「省姐能(省節能),能太能(輪軚能)」後,最近汽車廣告又有金句,「浪我子看一眼,就想立刻去炸屎」!想知佢講乜?動動小宇宙古仔又再激活內地網民。

至於另外兩位香港製造嘅小生為網遊代言時自我介紹「我是渣渣輝」和「我試陳咬春」一樣咁受歡迎!佢哋又係乜水?咪張家輝同陳小春囉,所謂長江後浪推前浪,新人輩出,佢就係……蔡少芬(Ada)喇。

咪以為Ada拍咁多內地劇啲普通話就好耍家,佢上內地真人騷時就出晒位,喺重演《甄嬛傳》乾隆帝第二任皇后時,甫出場即自我介紹,「本宮是無啦啦懶斯一艘」!即場引來全場爆笑,佢講乜?應該係「烏拉那拉氏 宜修」先啱!呢幾位藝人啲港普竟然大受歡迎,出騷、拍廣告應接不暇。

至於黎諾懿喺接受內地媒體訪問時真係出晒位!「我都有鹽(演)《唐心風暴》,今年沒有鹽(演)就是因為我在拍一個《燦爛的Y母》(燦爛的外母)…」之後愈講愈激,大受網民負評,真係同人唔同命,不如睇片啦……

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!