【最港電影大獎 黃百鳴系列之7 造就傳奇】黃百鳴與甄子丹相識源於合作徐克執導的電影《七劍》，原來當初子丹都是執二攤，黃百鳴說：「當時佢角色係一個韓國演員演，點知臨開鏡前兩個禮拜，呢個韓國演員話嚟唔到。」之後公司CEO施南生提議用子丹，因為他有兩星期空檔：「咁可想而知佢嗰時冇戲拍。」天山的氣候極寒冷，所有演員沒有戲份都會飛走，只有子丹獨留，造就他上位之路，黃百鳴說：「有陣時徐克話搵演員未返，佢（子丹）得閒喎！咪將啲戲改畀佢囉。」
《葉問》票房逾1.7億
之後黃百鳴便簽了子丹3年，先後拍了《龍虎門》及《導火線》，到最後的《葉問》令他一炮而紅，票房大收逾1.7億港元，他說：「我決定畀子丹演葉問，子丹就話『我樣樣功夫都識，唯獨詠春唔識！』我話唔識你都要拍，係我一意獨行話要拍《葉問》，《葉問》終於喺08年內地上映，係第一套香港電影進入億元俱樂部。」之後黃百鳴足足等了5年才拍《葉問3》，因為要排隊等子丹的期。
採訪：陳月媚
由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。
「最港電影大獎」投票網址http://bit.ly/thekongestfilmawards
|
鍾意就快D Share啦！
|
|
|
