掃呢頁CODE去手機

2018年2月2日 星期五

【阿嬌幸福開記招】賴弘國前妻「華航林依晨」貼文:幸福悲傷會循環 __,阿嬌,林依晨,鍾欣潼,

「阿嬌」鍾欣潼噚日公佈婚訊,讚未婚夫賴弘國超過100分嘅好男人,包容阿嬌一切壞嘅嘢,老闆楊受成笑指阿嬌執到筍盤,經理人Mani更叫老闆包酒席,氣氛相當 ...




「阿嬌」鍾欣潼噚日公佈婚訊,讚未婚夫賴弘國超過100分嘅好男人,包容阿嬌一切壞嘅嘢,老闆楊受成笑指阿嬌執到筍盤,經理人Mani更叫老闆包酒席,氣氛相當溫馨,阿嬌流露出待嫁新娘嘅笑容,不過唔少fans都為阿嬌擔心,畢究阿嬌早年感情路坎坷,處理感情事絕對要加倍小心。因為之前賴弘國曾同「華航林依晨」Ivy Chao(趙筱葳)有過六個月短暫婚姻。

對於前夫賴弘國同阿嬌拍拖半年,已閃電求婚,前妻「華航林依晨」Ivy喺阿嬌開記者會後,咁啱喺facebook貼咗長文,「我們花很多時間去關心跟自己沒有關係的人,我們花很多憤怒在不值得的人身上,我們說了很多陌生人的小道八卦,我們不知不覺中成為這個世界上負能量的製造者、參與者與傳遞者」,似乎係想講自己走出離婚漩渦,點知後嚟又成為外界關注嘅對象。

Ivy喺文中直言「一直相信我們的每個所作所為每個選擇都會由不同形式影響自己或是他人,不管是自身還是子孫,是今生還是來世」,Ivy認為幸福會循環,悲傷也會循環,當大家想要自己愛嘅人快樂、平安、幸福,就要喺幸福循環中盡一啲心力,許多網民見到Ivy懂得更愛自己,均向佢打氣,祝福佢幸福早日到來。

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



前妻「華航林依晨」趙筱葳facebook截圖 賴弘國曾同「華航林依晨」Ivy 有過六個月短暫婚姻。網上圖片

鍾意就快D Share啦!