掃呢頁CODE去手機

2018年2月2日 星期五

楊怡玩水上滑梯 謙謙細心舉動網民激讚 __,楊怡,

楊怡同老公羅仲謙去咗澳洲避寒,仲去咗水上樂園玩,謙謙仲表演咩叫細心呀!藝人楊怡同羅仲謙2016年10月2日結婚,婚後不時高調晒恩愛,真係甜到糖尿呀!而 ...


楊怡同老公羅仲謙去咗澳洲避寒,仲去咗水上樂園玩,謙謙仲表演咩叫細心呀!


藝人楊怡同羅仲謙2016年10月2日結婚,婚後不時高調晒恩愛,真係甜到糖尿呀!而最近香港天氣持續寒冷,佢哋兩公婆就去咗澳洲黃金海岸避寒,仲去埋水上樂園玩,而謙謙嘅一個Sweet爆舉動仲引嚟網民激讚呀!

阿怡喺Instagram上載咗段玩水上滑梯片,佢留言:「有邊個好似我咁,又要驚又要玩的?」見到條梯一啲都唔小學雞,刺激度非常高!而片中嘅阿怡同謙謙齊齊喺高處滑落嚟,謙謙半裸上陣,而阿怡就非常密實,以為冇睇頭?錯喇!出名係愛妻號嘅謙謙,Instagram今時今日都淨係Follow老婆一個,見佢一路滑就一路回望喺隔籬條賽道狂尖叫嘅阿怡,快「怡」一步到地嘅佢,仲勁Sweet咁再回望睇吓老婆到未,玩都掛住阿怡,真係好有愛!

不知不覺咁放閃,網民都留言「謙謙好緊張你呀」、「Himhim 眼中只有你」、「係呢d(啲)細節位就睇得出你無(冇)嫁錯佢了」!

而另一邊廂,謙謙就上載咗段自拍片,留言話:「我有個壞習慣,一離開香港就不喜歡刮鬍子😂」網民都笑言老婆鍾意咪得囉!

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!