掃呢頁CODE去手機

2018年2月2日 星期五

【感激未婚夫包容】阿嬌:我一開始就講俾佢聽我所有壞嘅嘢 __,阿嬌,鍾欣潼,

阿嬌今日到灣仔出席惠英紅生日會,開派對前接受訪問講訂婚。佢甜絲絲講到同拍拖半年嘅「醫界王陽明」一齊,係有佢嘅價值,笑指:「佢對我好好,可以話係嘅時間遇 ...




阿嬌今日到灣仔出席惠英紅生日會,開派對前接受訪問講訂婚。佢甜絲絲講到同拍拖半年嘅「醫界王陽明」一齊,係有佢嘅價值,笑指:「佢對我好好,可以話係嘅時間遇到對嘅人。」

至於幾時結婚,阿嬌就笑住話:「啱啱先求,未plan,太突然,好多嘢都未plan。」

記者問到男友有冇講愛的宣言,佢就話有講愛的宣言。至於最感動嘅位,阿嬌就話:「最感動係佢肯包容晒我嘅壞習慣,我一開始我已經同佢講我,我……即係我己經話晒俾佢聽,嗱,我將所有壞嘅嘢,騷晒俾佢睇,你接受到嘅,就接受啦。咁佢又照單全收,咁我覺得呢個係好重耍嘅。我唔係一個假嘅人囉,我唔會特登包裝到自己點樣,好攰0架嘛。所以我一開始就將自己最衰呀,最唔好嘅嘢呀,壞習慣呀……

咁阿嬌嘅「壞習慣」係咩?「我嘅壞習慣係懶囉,我懶得好緊要。佢又肯幫我做晒所有嘢。」同埋阿嬌話因為佢哋係異地戀,「最緊要我哋異地戀,佢辛苦啲都肯維繫,佢又安排schedule, 又肯配合。」

至於老闆楊受成點睇?阿嬌話:「佢同我講,正喎,你條仔正喎。佢第一次同我講呢啲。」

最港電影大獎投票網址

http://bit.ly/thekongestfilmawards

精選娛聞,喺晒《娛果》

http://fb.com/appledailyent



阿嬌講晒自己啲壞習慣俾男友知,男友照單全收。

阿嬌話男友肯辛苦維繫異地戀。 (ig圖片)

鍾意就快D Share啦!