掃呢頁CODE去手機

2015年11月20日 星期五

二手樓:一周劈價實錄:公屋、居屋都「走唔甩」 :),

next 1/1 pre next 1/1 pre next 1/1 pre 今個星期,開場白又係「樓市下跌」!冇計,各區二手市況已經唔係好,而且有成交親都係跌價個案。而家有埋年底加息因素「加多腳」,想唔跌得急都難。所以,近排唔少業主都想趕喺 ...


next 1/1 pre
next 1/1 pre
next 1/1 pre

今個星期,開場白又係「樓市下跌」!冇計,各區二手市況已經唔係好,而且有成交親都係跌價個案。而家有埋年底加息因素「加多腳」,想唔跌得急都難。

所以,近排唔少業主都想趕喺加息「Deadline」前出貨,於是吓吓都劈到低市價,或者去返舊年個價。今個星期,就連即將有大批新白居二「客仔」入市嘅公屋、居屋市場,都驚現低價賣樓潮。

好似九龍區公屋樓王黃大仙鳳德邨咁,就重現「百萬元」單位。屋邨紫鳳樓一個高層27室,實用面積267方呎,原先綠表開價155萬。呢類係屋苑最罕有嘅細單位放盤,理應該好搶手,但最後都要再劈價10萬元,先獲同區公屋租戶以145萬元接貨,實用呎價5,431元左右,重返去年年中價位。

另外,藍田康華苑C座中層12室一房戶,實用面積346方呎。個盤話晒都係補咗地價,但自由市場成交價竟然只係280萬元左右,實用呎價約8,092元,平絕市區屋苑式住宅。

至於私人樓方面,啲撻訂單位重售個案就愈賣愈平,業主信心盡失。好似長沙灣泓景臺6座一個高層A室咁,實用面積480方呎,畀人撻訂之後再以628萬元重售,做價比撻訂前勁低82萬元,實用呎價得番13,083元左右。

青衣盈翠半島亦有一個6座中層C室,上個月賣850萬元,但之後又係畀人撻訂,於是最近以800萬元重新賣出,實用呎價11,940元,期內跌咗成5.9%,真係唔知業主之前殺訂嗰筆補唔補得番。

租市方面,市區大型屋苑租價同樣都企唔穩,好似鰂魚涌康怡花園R座一個中層6室,實用面積461方呎,原本叫租1.68萬元,已經算係比市價低啦,點知最終要再減8.9%先租得出,月租1.53萬元,實用呎租僅33.2元,返番去上年年初水平。

大角咀港灣豪庭8座一個中層戶,實用面積348方呎,最近亦都以約1.4萬元租出咗,實用呎租40.2元左右,係屋苑同類型單位嘅租金新低囉。

唉,而家已經咁慘烈,到臨近美國議息嗰陣,真係唔知點算。都係講住咁多先,下個星期再同大家roundup吓。

─ ─ ─ ─ ─ ─ ─ ─ ─ ─ ─ ─

又到交稅季節,點先可以輕輕鬆鬆,安享悠閒「稅」月?想要着數即刻入嚟睇http://bit.ly/20ToU3P

鍾意就快D Share啦!