掃呢頁CODE去手機

2016年12月30日 星期五

【勁!】吳業坤代表作《原》破千萬點擊 __,吳業坤,

坤坤坦言喺過去一年差啲壓力爆煲。一首《原來她不夠愛我》為歌手吳業坤星途帶來一片光明,臨近2016年尾聲,歌曲於網上平台更突破1,000萬人次點擊,寫下光輝一頁。難怪坤坤開心說收到大禮:「我覺得呢首歌過到一千萬係其中一份禮物,今年收到好多份禮物,估唔到臨過年前都收到。由一百萬去到二百萬自己都冇諗過,我一直冇睇過啲數字,而依家個數字話畀我知,令我覺得我擁有好多嘢,亦都好多謝大家都去聽呢首歌。(嚟緊邊首 ...


坤坤坦言喺過去一年差啲壓力爆煲。

一首《原來她不夠愛我》為歌手吳業坤星途帶來一片光明,臨近2016年尾聲,歌曲於網上平台更突破1,000萬人次點擊,寫下光輝一頁。難怪坤坤開心說收到大禮:「我覺得呢首歌過到一千萬係其中一份禮物,今年收到好多份禮物,估唔到臨過年前都收到。由一百萬去到二百萬自己都冇諗過,我一直冇睇過啲數字,而依家個數字話畀我知,令我覺得我擁有好多嘢,亦都好多謝大家都去聽呢首歌。(嚟緊邊首歌有信心破千萬點擊?)唔使過千萬嘅,有人聽已經好滿足。」

有冇獎都問心無愧

回顧一年總結,坤坤承認差點壓力爆煲:「因為今年特別多事情發生,年頭攞獎、拍劇、新聞、紅館演唱會、再嚟新聞、拍劇、出專輯,好多嘢都冇時間沉澱同消化。不過,冇問題嘅,就當記錄吓呢一刻嘅自己,我唔會扮開心,反而嘗試擺多啲自己一面畀大家睇,好似有白頭髮咪有囉,點解要遮住啫?」

年頭坤坤在叱咤頒獎禮台上爆紅,今年外間睇好陳柏宇,對於獎項得失,坤坤早有心理準備:「有就十分之開心,冇就少少失落,因為上年已經攞晒人生嘅獎項。(咁誇張?)我會咁諗囉,所以,繼續有獎會係好好證明,但冇亦唔代表自己差,因為今年做咗好多嘢,已問心無愧,算係對自己同大家有交代。」

要有麵包先有愛情

不過,坤坤承認過去一年面對緋聞確實困擾,提議他找個「真命天女」時,他竟說:「要有錢先!」問到坤坤覺得香港女仔有錢先有得傾?他解釋:「係我自己嘅價值觀係咁,要照顧到自己亦要照顧到人哋。雖然幸福唔係用金錢衡量,但香港咁現實嘅地方,你買個麵包都要錢啦,連買麵包嘅錢都冇,又點畀到承諾人。」坤坤的「擇女條件」是要了解他的情緒及工作的非圈中人,可能要找初戀女友或前度才能「了解」他?坤坤笑言:「搵番初戀就要結婚啦,同埋都冇聯絡喎,都唔知人嫁咗未,都係搞好自己先諗其他嘢啦。」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!