掃呢頁CODE去手機

2016年12月30日 星期五

發哥冧招賀生日 發嫂:下世再做夫妻 __,發哥,陳薈蓮,發嫂,周潤發,

發哥冧招賀生日 發嫂:下世再做夫妻發嫂陳薈蓮在婚後的每一個生日都是與老公周潤發一起歡度,前日是發嫂的57歲牛一,發哥沒有買任何名貴首飾,反而一早跑去花墟買了兩個紅色小蘿蔔盆栽給老婆做生日禮物,晚上又相約親友為她搞生日宴,發嫂收到盆栽後十分開心和感動,更表示:「上天送畀我最好嘅禮物就係嫁咗畀周潤發,希望下一世都可以同佢做夫妻。」【恩愛慶祝】■發嫂前晚57歲牛一,發哥特別為太太搞生日宴慶祝。【發嫂撒嬌 ...


發哥冧招賀生日 發嫂:下世再做夫妻

發嫂陳薈蓮在婚後的每一個生日都是與老公周潤發一起歡度,前日是發嫂的57歲牛一,發哥沒有買任何名貴首飾,反而一早跑去花墟買了兩個紅色小蘿蔔盆栽給老婆做生日禮物,晚上又相約親友為她搞生日宴,發嫂收到盆栽後十分開心和感動,更表示:「上天送畀我最好嘅禮物就係嫁咗畀周潤發,希望下一世都可以同佢做夫妻。」



【恩愛慶祝】■發嫂前晚57歲牛一,發哥特別為太太搞生日宴慶祝。



【發嫂撒嬌】■親友起哄要發哥發嫂咀嘴,令二人尷尬笑不停。



■發哥前日到花墟選購了兩個紅色蘿蔔盆栽作發嫂的生日禮物。



■星皓公司老闆王海峰(左二)與弟弟王海平(左一)前晚亦有現身賀發嫂。

周潤發與陳薈蓮結婚三十年,夫妻恩愛如昔,前晚是發嫂的57歲生日,發哥特別在尖沙嘴夜上海餐廳為老婆慶祝,他兩夫妻都是愛低調的人,所以生日宴只是請了約二十位親朋好友來慶祝,圈中人就只有星皓公司老闆王海峰和郭富城經理人小美出席。發嫂前日在收到的眾多生日禮物當中,最喜歡就是老公送的紅色小蘿蔔盆栽,代表鴻運當頭的意思。

在生日宴上,發嫂收到好多朋友的祝福,而發哥略嫌發嫂最近減肥減到過瘦,所以不斷叮囑她要多吃點東西,又特意點了很多發嫂愛吃的上海菜,席上更不斷夾菜給老婆,又餵老婆吃壽包和一起切生日蛋糕,現場好友紛紛都起哄叫兩人咀嘴,搞到發哥與發嫂尷尬笑不停。



■出名愛妻的發哥經常陪太太到街市買餸。資料圖片



■發哥與發嫂結婚三十年,是圈中的模範夫妻。 資料圖片

送蘿蔔食糖水據悉發哥知道太太一向不愛名牌手袋或珠寶首飾,為了準備這份禮物,他前日一早去花墟選購,經過千挑萬選後,選了兩個紅色小蘿蔔盆栽給發嫂,發嫂昨日接受訪問時說:「今年收嘅禮物當中,梗係老公送嗰份,佢送咗兩個紅蘿蔔畀我,好cute呀!老公知我喜歡花草,所以專登一早去花墟買畀我,雖然兩個紅色蘿蔔唔值乜嘢錢,但最緊要係呢份心意,代表鴻運當頭,佢都知我唔係鍾意金銀珠寶,所以買畀我嘅禮物都係一啲啱我心水嘅嘢!佢真係一個好體貼嘅老公,其實上天送畀我最好嘅禮物就係嫁咗畀周潤發,希望下一世都可以同佢做夫妻。」

一向喜歡行山的發哥,幾乎每朝都會去行山和做運動,但前日他就沒有去行山,一早去花墟買完禮物就立刻回家,陪太太吃完中午飯,又出去買番薯糖水給老婆享用,發嫂笑說:「佢知我好鍾意食番薯糖水,所以專登去買畀我食,而且成日留喺屋企陪我,連最愛嘅行山都冇去,夜晚又約咗一班朋友同我一齊食飯。」

讚絕世好男人問發嫂為何下一世都要和發哥做夫妻?她笑言:「我哋兩個人都好夾,彼此都係好喜歡簡單同低調嘅生活,喺呢三十年嘅婚姻生活中,佢一直好體諒我,又好愛錫我嘅家人,佢無論做乜嘢都會先諗我感受,最令我欣賞係佢好孝順媽咪之餘,對其他唔識嘅老人家都會好尊重,可以幫到人佢一定幫,心地好好,呢啲絕世好男人好難搵,所以下一世我都希望做到佢老婆。」

採訪:鍾國仁


鍾意就快D Share啦!